› 選擇地區
三藩市
紐約
洛杉磯
其他美國地區
香港 台灣 北美
 
2014年08月13日

莊思明瘀傷晒不停
護陳司翰否認被打

莊思明和陳慧琳胞弟陳司翰2011年開始拍拖,三年來經常鬧分手,離合多次。據知兩人早在一個月前,女方要求分手,其間曾發生過衝突,此等事對於二人來說屢見不鮮。

長達三吋

今個月1日,莊思明在微博曾上載一張可見長達三吋瘀傷的大髀相,我見猶憐,當時她留言道:「早幾天外景不小心撞傷了…雖然很痛但不要緊,瘀傷會慢慢減退的,痛楚會慢慢消失的,路我還是要繼續走下去!小明,你可以做到的!加油!」
昨日有報道指莊思明向同事哭訴被打,不過她為了維護男友陳司翰的形象,要求身邊好友同事對外封口不提。而陳司翰被爆2003年曾向台灣模特兒女友Jacqueline動粗,記者昨日致電莊思明,她說:「其他嘢我就唔回應,唯一回應係報道所講嘅佢傷害我,係唔存在嘅,係假嘅,之前諗住一路都唔出聲,今次我覺得需要還佢一個公道,保護番我一啲應該保護嘅人。」之後問她跟陳司翰現在的關係,她表示私人事不作回應。
莊思明又重申瘀傷是因工受傷,她說:「報道所講嘅損傷,係一次我喺外景,行喺一個攝影師後面,個攝影師突然間轉身,部機就撞咗落我度,即刻腫晒,我喺網上寫得好清楚。」

自稱論盡

在微博經常見到莊思明周身瘀傷,她解釋:「其實問番我身邊啲同事都知道,我係一個比較容易整親嘅人,因為我比較論盡,本身我貧血,所以有時啲同事都會睇住我,知道我身體特質係咁樣。」
及後記者致電陳司翰,他說:「唔回應,唔該晒!」便匆匆掛線。莊思明姐姐莊思敏曾表示知道發生甚麼事,不過致電莊思敏時,她也表示不回應。
此外,陳庭欣昨日在金鐘活動上指莊思明是情緒化的人,她相信每對情人也會吵架,她接觸的陳司翰是位幽默男生。
採訪:非非、麥萍萍

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載