› 選擇地區
三藩市
紐約
洛杉磯
其他美國地區
香港 台灣 北美
 
2014年08月15日

Cammi BB上圍突升Cup
同數女友人撞晒樣

一講到Cammi BB(謝芷蕙)大家都會諗到好多嘢,有Nel Nel(張學潤)、陳冠希、變樣同埋個有米男友。

前日呢位咁多話題嘅Cammi,就喺微博貼多張同班女仔朋友去玩嘅相,而當中有兩點好令人注意,首先就係Cammi嘅上圍疑似再發育,第二就係Cammi嘅朋友,個個同Cammi BB都好似樣。

先講個上圍,Cammi BB近期晒嘅相,都已經唔會好似之前咁主力晒腿,開始有晒事業線喇,其實都好合理,因為Cammi BB現時19歲,正值發育期,加上男友對佢愛護有加,成日帶Cammi BB食好嘢餵飽佢,咁幸福,發育當然好啦!

睇佢前日嘅相,一身露腰薄紗裙,上身就谷出一條好深長嘅事業線。網民都留意到呢條事業線,好多留言都係講到Cammi BB嘅上圍,不過都有人質疑係假,因為有網民話:「你也整胸了,索性取消關注,假死了。」

另外就係Cammi BB嘅班女性朋友喇,有時真係明白女仔好朋友起上嚟,會着差唔多嘅衫,化差唔多嘅妝,不過Cammi BB嘅朋友真係未免太似佢喇,十足十餅印咁,仲有網民留言話:「三胞胎?」雖然話Cammi BB成日都變樣,但啲朋友都冇理由變埋一份啩?所以應該都係因為用咗自拍神器,又執過張相,加上本身個妝都幾似,所以先會有咁嘅效果。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載