› 選擇地區
三藩市
紐約
洛杉磯
其他美國地區
香港 台灣 北美
 
2014年08月19日

望影偉仔呆樣
嘉玲呻:佢對住我冇反應

劉嘉玲為鞋履品牌Roger Vivier的相展親自出意見,以滿佈鮮花的後台風光為題。

劉嘉玲昨日於柴灣工業城為鞋履品牌Roger Vivier下月初在中環置地廣場舉行的相展拍攝硬照,對攝影越來越感興趣的嘉玲,親自為硬照主題出意見,以後台風光為靈感,散發巨星韻味。

買藝術品當投資

相展除邀得劉嘉玲,還有名模Amanda S.及周汶錡等當主角,宣傳今季主打手袋Miss Viv',嘉玲以兩個不同造型拍攝,影慣相的嘉玲極速以兩小時完成,她說:「因為之前已經傾好晒idea,自己最近做緊舞台劇,覺得後台畀我好得意嘅感覺,又想試吓新嘢。」

嘉玲平日亦會留意不同攝影大師的作品,近日與周潤發合作電影,發哥經常拍下她鏡頭背後的照片,嘉玲說:「我收到都好開心,自己會用iPhone影相,個個嘅攝影技術都提升晒,都會想試吓影番人。」以老公梁朝偉為練習對象?她笑說:「都可以,要拍吓佢對住我同對住其他人有幾唔同,係呆滯,對住我冇晒反應。」
昨日鄧永鏘妹妹鄧霓儀亦有到場探班,有報道指兩人將合資在西九龍開畫廊?嘉玲說:「唔係,我只係越來越着迷藝術品,自己都有留意新進藝術家,放喺屋企睇吓,又可以當投資。」
採訪:盧妹
攝影:陳順禎

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載