› 選擇地區
三藩市
紐約
洛杉磯
其他美國地區
香港 台灣 北美
 
2014年08月21日

馮仁昭四圍超:黃芷晴擺檔賣DIY首飾 - 馮仁昭

芷晴喺樂富嘅市集擺檔賣飾物,展示自家製手工傑作。

黃芷晴自從香港電視因發牌夢碎後,所有拍劇等工作都受影響。好在芷晴本身讀書時係選修設計,就算入咗行拍戲,都依然有做設計宣傳單張工作,近幾年仲開始用滴膠整飾物。早幾日一身Hip Hop造型嘅芷晴,喺樂富兆基創意書院搞嘅市集內擺檔賣自家製首飾,每次有客人走埋嚟,佢都好殷勤咁介紹,就算個客左揀右揀,佢都好貼心同有耐性畀意見,而現場嘅人都冇發覺佢就係黃日華個女。

冀3年內開舖

芷晴話喺市集擺檔需要幾日時間做準備,佢話:「我事前會集齊平時搜羅到嘅得意產品,亦會自己親手做100%原創飾物,近年我自學用滴膠創作飾物,顧客反應都好好。」其實芷晴有自家品牌「oh my deer」,主要係喺網上銷售,同埋喺朋友舖頭寄賣,芷晴話:「好開心自己設計嘅嘢有人鍾意,品牌已經擁有一班fans,好多人都話想睇到多啲實物產品,我希望三年內開到自己舖頭。」參加市集擺檔,芷晴覺得最大得着係識到一班好朋友。
撰文:馮仁昭

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載