› 選擇地區
三藩市
紐約
洛杉磯
其他美國地區
香港 台灣 北美
 
2014年09月15日

續牌未明朗 推零底薪續約
亞視逼藝人變散工

無綫為整靚業績,即使年年賺錢,最近亦傳要節流裁減一百名幕後人,部份藝人更被迫減薪或凍薪。不過低處未算低,自封「良心台」的亞視正憂心11月能否成功續牌,為免賠了夫人又折兵,有幕後人員透露亞視最近轉以基金形式運作,並以零底薪價跟藝人續約,若最終續牌不成,亦無需作出賠償。
據亞視官方網頁顯示,現基本合約藝人只剩低28男、25女,但為減低開支仍要向藝人「開刀」,目標是一批從內地來港、要靠亞視辦工作簽證的合約藝人,當中包括亞洲小姐、亞洲先生及星光幫成員。由原本有房屋津貼及固定底薪,改簽零底薪合約,而每次接工作亦只有200至500元一個騷的酬金,如同做臨記散工一樣。即使是包薪合約藝人亦有「零點騷」新計法,如在節目中僅出現一個鏡頭,便計0.3個騷,如此類推,條件十分苛刻。

周嘉莉:冇傾續約

來自江西、大前年曾參加過無綫《香港先生》的舒宇,翌年再戰《亞洲星光大道4跳舞吧!》勇奪冠軍,最近獲派在亞姐宣傳片中擔任「水使者」,他昨日在電話中似有口難言,只說:「我唔方便講,都有可能簽,但唔關居留問題。」是否生活艱難?他說:「做呢行都係多辛酸史,都要捱吓啦,呢行係我夢想,希望早日有出頭天!」
同樣來自內地、在《星光2》得第四名的李建龍則說:「未簽呀,其實錢都係其次,最希望亞視有多啲製作,自己好想做音樂。」在香港出生、曾參加過《星光4》的楊正軍對零底薪合約也略有所聞,他說:「有聽過,我知有啲新入嚟好似有啲有(包薪)、有啲冇,呢排公司咁多製作,應該有好多節目可以做,我都爆騷。」
而大前年的亞姐季軍、現成為「六合彩女郎」的周嘉莉說:「我仲有半年約,公司冇同我傾續約,但冇得擔心續牌,一路做一路等。」亞視執行董事葉家寶則至截稿前仍未回覆。
採訪:嵐山

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載