› 選擇地區
三藩市
紐約
洛杉磯
其他美國地區
香港 台灣 北美
 
2014年09月29日

馮仁昭四圍超:
賈思樂60大壽 群星曼谷狂歡 - 馮仁昭

馮寶寶、陳法蓉同黎瑞恩等自費去曼谷同賈思樂慶祝生日,認真畀面。微博圖片

入行以嚟都係baby face嘅賈思樂,原來後日就係60大壽,前晚佢過百位圈中好友專登飛去泰國曼谷同佢舉行咗個大型生日party,包括杜麗莎、王馨平、余慕蓮、陳法蓉、廖安麗、馮寶寶、黎瑞恩、陳敏兒、盧敏儀同林漪娸等等,可見得賈思樂人緣真係相當好。

華仔嘟嘟短片祝賀

噚日馮仁昭打畀賈思樂,佢好開心話:「佢哋好賞面,全部自費,有成130人,全世界啲好朋友都嚟晒同我慶祝大壽。當初我唔想搞,但好朋友話呢個生日係代表男人一個階段,一定要慶祝。雖然係攰,但值得嘅,玩到凌晨一點都未散,大家飲酒傾偈,好開心有呢班朋友支持我。」前晚廖安麗、馮寶寶同戚美珍等輪流講賈思樂過往啲儍事,班老友仲送咗個驚喜video畀壽星公㖭。賈思樂話:「個video係所有去唔到嘅演藝界朋友祝賀我,令到我好感動,包括劉德華、毛舜筠、鄭裕玲、盧海鵬、羅蘭,好多數唔晒,好nice,搞到我幾乎喊。」賈思樂係唱家班,當然唔少得同杜麗莎、黎瑞恩以及王馨平等一齊jam歌啦!
撰文:馮仁昭

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載