› 選擇地區
三藩市
紐約
洛杉磯
其他美國地區
香港 台灣 北美
 
2014年10月03日

【星之綠葉】食神戴龍爆星爺
蛤蚧湯壯陽

「初戀呀!我要初戀呀!」在電影《喜劇之王》中高呼要初戀的戴龍,現實中是香港四大名廚之一,當年因為在酒店擔任中餐主管認識了周星馳,有傳《食神》便以戴龍的奮鬥史為藍本。談到星爺當年飲食喜好,戴龍笑指年少氣盛男士要求的,不外乎補身食療,他試過用十幾隻蛤蚧煲湯給星爺,又謂:「星爺都好鍾意食蠔!」
撰文:譚倩宜

在《喜劇之王》內的戴龍女伴不絕,卻高呼要初戀。鏡頭後的戴龍已入廚51年,曾獲「香港四大名廚」、「法國廚皇會最高榮譽會長」及「法國藍帶馬爹利國際烹飪大使」等稱號,有不少超級貴賓如李嘉誠、何鴻燊、周星馳等也是戴龍的座上客。有指電影《食神》是以戴龍的奮鬥史為藍本,他日前受訪時謙虛表示:「唔好咁講,當年因為星爺成日嚟食飯,所以我同佢熟絡咗。嗰陣做廚,華人地位永遠係低啲,我好想為華人廚師做啲嘢,為華人廚師爭光,星爺聽完都好支持我,大家傾傾吓,兩年後就出咗《食神》。」

迎合李嘉誠口味

食神教父戴龍是家中長子,僅讀了三年書便投身社會,憑着自己努力,23歲榮升印尼五星級酒店中餐部總廚,其後於不同國家的星級酒店出任總廚職務。直到92年,戴龍為香港港麗酒店擔任中餐主管時認識了周星馳。雖然食客繁多,但他仍能緊記每位對食物的喜好:「好似李生(李嘉誠)咁,佢嚟之前,佢秘書話畀我知李生唔食貝殼類食物,因為知道佢係潮州人,而我亦都係潮州人,所以我就煮咗潮州獨有嘅戲棚粥畀佢食,仲要用番最傳統嘅公雞碗,因為𠵱家已經冇乜師傅識煮,所以當時佢食完都讚。」問到星爺飲食方面喜好?戴龍笑指年少氣盛的男士,要求的不外乎補身食療,他說:「男士當然要求補腎養肝啦,何況當年佢仲係30幾歲嘅壯年。我嗰陣試過用十幾隻野生蛤蚧,加咗滋潤嘅藥材去煲湯畀佢飲,而星爺都好鍾意食蠔。」

寫情信維繫初戀

戴龍談到他的初戀,現年65歲的他表示與太太卻是因一句「父母之命,媒妁之言」而相戀至今,他笑說:「當年細佬結婚,阿爸見我未拍過拖,於是介紹女仔畀我認識。」當年戴龍遠於印尼工作,而太太卻在香港,這段異地戀見面時間一年不足10天:「我哋完全冇初戀、冇浪漫,一年只係見得10日,平時靠書信來往。」戴龍的愛情故事,令周星馳大感驚訝,更坐言起行,在《喜劇之王》中為對方尋找初戀,戴龍說:「星爺聽完話唔信,有日佢同我講話開戲,仲話安排我喺戲度試吓初戀感覺,『龍少』個角色就係咁嚟。」
近日星爺屢受抨擊,但戴龍卻不諱言對方是個不錯的朋友:「佢人唔錯,但交朋友就見仁見智。當年我同佢冇乜利害關係,佢搵我拍戲,我都好多謝佢,因為我唔係喺嗰個行業搵食,所以酬勞方面都唔會同佢計較咁多,所以變咗朋友,仲會一齊去食嘢㖭。」
場地:銖記王子廚房

興奮炒銀紙

戴龍拍過電影也拍過亞視劇,訪問當天記者邀他將《食神》戴龍師傅和《喜劇之王》龍少兩個角色來個crossover,為大家炮製「初戀」,雖然戴師傅久沒於幕前演出,但在鏡頭前仍交足戲,即使攝影師要他多拍幾次亦絕無say no,他說:「唔緊要,影多幾次都冇問題,最緊要效果好!」
煮過不少珍饈百味的戴師傅,還應記者要求炒銀紙,他邊炒邊笑說:「煮咗咁多年嘢,真係未試過炒銀紙,咁你哋都諗到,真叻仔!」越炒越興奮的他,還拉住在場的陳松輝師傅一同「炒銀紙」。

【星之綠葉】
寸嘴Barbie夏尉喻Rap住殺入周星馳新片《美人魚》,想當年星爺身邊的一班綠葉,一句對白一個表情已笑到噴飯,「星之綠葉」點止星喱咁簡單!

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載