› 選擇地區
三藩市
紐約
洛杉磯
其他美國地區
香港 台灣 北美
 
2014年10月05日

阿澤爆粗怒斥:
TVB唔畀戴黃絲帶

【雨傘革命】無綫近年在節目中滲出的維穩態度越來越着迹,昨日節目《東張西望》派出攝製隊到深水埗訪問電影《唐伯虎衝上雲霄》的男主角杜汶澤,幕後人員發現阿澤身上黑tee掛上力撐佔中的黃絲帶,竟要求他除下才出鏡,即時辣㷫阿澤爆粗大罵,事後節目雖妥協,但鏡頭專登避開阿澤身上黃絲帶。面對大是大非,阿澤拋低私人恩怨,前晚突然在facebook跟宿敵黃秋生和好,大方轉貼秋生關心香港,撐學生的言論。

相關新聞:秋生轟反佔中暴力行為

近日「雨傘革命」喚起港人團結向政府公民抗命,佔中運動已遍地開花,但前日反佔中人士突聯群結黨湧出有所行動,當中滲入惡勢力招兵買馬,以暴力圍毆佔中人士,引發流血衝突。學聯前晚發聲明譴責政府縱容暴徒打擊佔中,宣佈擱置跟政務司司長林鄭月娥的對話。
阿澤昨日往深水埗出席電影《唐伯虎衝上雲霄》宣傳,不但穿上黑tee,還戴了黑帽及黑膠框眼鏡,黑tee更扣上黃絲帶,以實際行動撐學生。活動後,無綫節目《東張西望》派出主持容羡媛採訪阿澤,未開始阿澤便變臉,怒氣向現場記者爆粗投訴,原來昨有幕後工作人員要阿澤除黃絲帶才出鏡,難怪阿澤火爆大鬧:「TVB唔畀戴黃絲帶,黐X線!」其後該節目雖妥協,不過錄影期間鏡頭只拍阿澤臉部特寫,完全避開他的黃絲帶,阿澤受訪後說:「鍾意播就播,唔鍾意播就唔播!」

阿澤秋生放低私怨

《唐》片上畫撞正佔中,票房截至前日為止暫收213萬,阿澤說:「𠵱家共度時艱,點都應該體諒學生。又唔係一世人拍一次戲,大是大非之前,生意人都要體諒,我不嬲票房冇所謂。」
公民抗命在fb引爆unfriend潮,阿澤直認有unfriend人:「唔係因為你立場,而係你智商。我friend list中都有不同立場的人,智商同感冒都一樣,好易傳染。」今年初阿澤跟黃秋生爆不和,可是前晚卻見阿澤有轉貼秋生撐學生言論和讚他的專頁,阿澤說:「呢個時候,生意私怨放埋一邊先。我睇佢講咗好多日,意見好有見地,無論性格上唔夾、立場上唔同都好,你會見到嗰個人心地好,冇辦法唔去相信佢講嘅嘢。」但阿澤避答兩人是否再是朋友。
阿澤沒親到佔中場地聲援,他說:「大家都知我乜嘢處境,好多人以為藝人講嘢好簡單,以為怕咗搵唔到食,我落去支持可以做到幾多?定係加添咗麻煩畀大家?好似發哥(周潤發),係香港最紅藝人,𠵱家發咗聲都唔會聽,唔講其他嘅嘢嘅梁朝偉都出聲,結果政府都係唔聽。藝人嘅說話已經唔係想像中咁大,政府都咁冷漠,咁我杜汶澤又算係乜?」
採訪:陳杰、盧妹

相關新聞:志雄哥:呢啲錢畀都唔要

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載