› 選擇地區
三藩市
紐約
洛杉磯
其他美國地區
香港 台灣 北美
 
2014年10月05日

女示威者遭非禮
卓韻芝:香港冇法治

【雨傘革命】看過前日旺角街頭一名反佔中男子,於混亂中當眾伸手摸向佔中女示威者胸部的片段,全港女藝人都大叫「離晒譜!」「太過份!」,最離譜是片中的警員未有及時阻止,反佔中人士公然對女性的侵犯,以至警方執法不公的情況都令人髮指。
上街曾中催淚彈的卓韻芝昨狂轟向佔中女士非禮的暴徒,同時也譴責警方失職,她以短訊回應說:「極度憤怒!這已經跟政治立場毫無關係,而是良知和法治。請警方立即拉人!如果這樣也不拉人,便證實香港已經完全沒有法治!我被傷害的話,都不知報唔報警好!」

相關新聞:秋生轟反佔中暴力行為

港大畢業的雨僑支持學弟學妹公民抗命,她看到女示威者在佔中集會被非禮的片段,也非常氣憤:「點可以搵啲弱者、女仔來恰,咁樣離哂譜。」對於反佔中人士辱罵女學生,她氣憤地說:「簡直係口出狂言呀!點樣出得來示威就預咗俾人非禮啫!呢個係歪理來㗎!就算點樣抗爭都唔可以有呢啲行為。」

陳嘉寶:道德何在?

連日來都十分支持佔中學生的邦民女陳嘉寶,前日也在Instagram留言臭罵反佔中暴徒:「我想問一群男人跑去以性暴力威脅,甚至侵害女性這算是甚麼?!面對那種公然對手無寸鐵女生施以祿山之手的暴民,我想問道德何在?!」
曾多次到佔中現場的𡃁模馮鎵瀠(Naomi),昨晚再到金鐘集會現場前約定大隻香港泳手鍾國良作保鑣,她說:「我係好憤怒,噚日我親身落到旺角,係有人想行近我,好彩有記者朋友即刻幫我推開佢,我相信呢件事係有發生係存在。」
人妻代表李思欣,知悉和平集會內有女士被非禮則激動地說:「件事已經唔係佔唔佔中嘅問題,呢樣已經係一個犯法嘅行為,點可以非禮㗎!犯法唔得㗎!」有傳非禮的暴徒最後被警察放走,思欣百思不得其解:「啲差人無拉佢呀?呢樣嘢一定要正視㗎!非禮,唔可以咁樣!總之作為女性係覺得唔可以有呢樣嘢發生囉!」
採訪:非非

相關新聞:志雄哥:呢啲錢畀都唔要

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載