蘋果日報 | APPLE DAILY
› 選擇地區
三藩市
紐約
洛杉磯
其他美國地區
2014年10月07日

港視下月開台宣戰
硬撼TVB台慶

王維基的香港電視網絡(HKTV)開台一波三折,直至前日王維基終宣佈下月中開台,以OTT(Over-The-Top)形式免費播放電視節目,亦即觀眾可透過智能電視、電腦、小米盒子以及在手機下載港視App收看節目。雖然王維基前日未有透露確實開台日期,但有傳王維基有意在下月19日無綫台慶當天開台,向無綫宣戰。

全民直選頭炮劇

另外,港視又將於本月底舉行劇集公投,由網民直選出心目中最想收看的港視劇,包括廖啟智與周俊偉等合演的《警界線》、李心潔主演的《選戰》(前名《風雲》)以及黃日華等主演的《歲月樓情》等等,以票數最高者作為港視頭炮劇集。對於有指港視在無綫台慶當天開台,港視發言人鄭小姐昨說:「適當時候會有公佈。」但就承認月底會進行劇集公投,由觀眾決定港視頭炮劇集。

「等到BB都有埋」

港視下月開台,身為港視藝人固然雀躍,黃芷晴昨說:「咁幾好呀!我之前都有參與購物台嘅拍攝,希望啲人買吓嘢同睇吓嘢。自己都好興奮,咁就兩年喇!如果作品11月可以出到街,我嘅演出就有得畀大家睇。我拍咗三套電視劇,有一套係同爸爸拍嗰套《開腦儆探》,有同小紅姐(惠英紅)拍《我阿媽係黑玫瑰》,同埋有個單元劇叫做《末日+5》,最期待梗係同爹哋嗰套喇!」
綠葉王梁健平也表現興奮,他說:「當然絕對開心啦,我哋都望有嘢出街,之前拍咗好多嘢,相信會有一輪攻勢。等開台等到頸都長、脷都長!我哋又幫唔到乜嘢手,嗰吓先至無奈,惟有係支持!」
懷胎6個月的岑潔儀則說:「呢排有好多唔好嘅新聞,呢個係呢八日以來最開心嘅一單新聞,因為其實香港市民係好支持我哋香港電視開台,等咗兩年,終於等到我BB都有埋喇!到時我嘅小朋友都可以有更多選擇。」
採訪:魯吉、非非

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載