蘋果日報 | APPLE DAILY
› 選擇地區
三藩市
紐約
洛杉磯
其他美國地區
2014年10月14日
馬上成為壹會員

馮仁昭四圍超:星爺破冰
搵張雨綺做反派 - 馮仁昭

周星馳執導嘅《美人魚》原定呢個月頭開拍,雖然女主角已經喺內地搵到新人做美人魚,但男主角一直搵唔啱人,結果部戲開鏡日期一拖再拖,最近總算搵到孫儷老公鄧超做男主角啦!第二女主角就傾咗張雨綺,係一個反派角色,之前佢因為同星爺解約要打官司,雙方關係好差,但自從發生向太炮轟星爺事件,張雨綺幫拖為星爺講話後,雙方關係得到改善啦!

小豬鄧超做男主角

之不過部戲都要下個月中先至開到,因為鄧超喺韓國幫緊浙江衛視真人秀節目《奔跑吧兄弟》拍外景,最快要忙到下個月中,所以星爺準備就緒都冇計。至於第二男主角係羅志祥(小豬),最初星爺都諗過畀佢做男一,但計過條數,男一都係搵番喺內地較有人氣嘅鄧超比較好。
此外,向太前晚又喺微博發文,對星爺態度大變,佢話:「人家說你(星爺)不好時,我疼,疼到不知道該怎麼辦?我說你不好時,我更疼,疼到不能自制,思緒混亂。一次一次,一遍一遍,被攻擊,已經習慣,被你刺痛。被你的粉群毆。」不過到噚日凌晨2點幾,向太又變啦!再發文繼續數臭星爺,要星爺還佢一個公道。
撰文:馮仁昭

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載