蘋果日報 | APPLE DAILY
› 選擇地區
三藩市
紐約
洛杉磯
其他美國地區
2014年10月30日
馬上成為壹會員

【add】紅人主場:李美鳳 親子發電機

李美鳳18年前嫁到台灣,婚後生了一對龍鳳胎現已16歲,這位full-time mom全力照顧家庭,電眼美人的電力沒有因婚後忙碌照顧家庭而失效,子女逐漸長大不再依賴她,李美鳳的親和電力繼續發光發亮,近半年當起義工照顧被遺棄的孤兒,大愛照亮別人的孩子,意外獲得無限幸福與快樂。

採訪:顏英儀
攝影:郭賢興
化妝:Ray Chan of Hair
髮型:Candy Law

23歲選港姐獲亞軍的李美鳳,當年風騷蝕骨的迷人笑容和濃眉大眼而被稱為電眼美人的美譽至今屹立不倒,27年後電力依然強勁,而且多了一份親和力,踏入51歲依然美貌如昔,渾身散發出正能量,男女都被她那股攝人的魅力吸引住,「我好貪靚,好注重護膚,防曬同落妝都好重要,不過外表靚係唔夠嘅,我相信相由心生,一個人嘅儀態、思想都好重要。」生活健康也是她的keep fit之道,「吃得清淡,我幾乎每日都做運動,游水、散步、瑜伽,千祈唔好暴肥暴瘦,咁樣會襟老啲。」

做靚媽有壓力

雖然李美鳳婚後相當低調,可是出街去旅行時,也會被眼利的香港人認得,她說:「之前一家人去了加拿大旅行,點知去到撞到香港人,湧咗一大班人要影合照,最後影咗半個鐘先走得,如果平時不施脂粉我都會婉拒,因為怕影出嚟唔靚,令大家失望。」
問到李美鳳可有問過丈夫最欣賞她那一方面?李美鳳聽後大笑說:「結婚咁多年都冇問佢呢個問題,可能我自信爆棚,佢愛我就愛我嘅全部!」她續說:「18年眨下眼就過了,婚姻唔易維繫,要用心經營,結婚咁多年鬧交一定有,鬧過大大小小嘅交,都為了小朋友鬧,我哋好錫對仔女,盡量唔喺仔女面前鬧,有時鬧到冇得收嘅時候,我就會將件事放低,等大家消咗度氣,好多時我會行第一步和好,唔想再鬧大影響感情,其實只要一家人和和氣氣就已經好幸福同滿足。」

博愛照顧孤兒

李美鳳的一對子女已經16歲,開始學習獨立,做母親亦學懂放手,半年前曾有人邀請復出拍戲,可是她覺得未係時候,反而想做更有意義的事,「兩年前我已開始覺得仔女離我越來越遠,過多3年佢哋就會去美國讀大學,所以開始諗自己嘅未來,平日都有做運動、彈鋼琴同插花,大半年前開始喺一間孤兒院做義工,每個禮拜做3、4日,同0至2歲嘅BB玩、餵奶同餵藥,有啲BB發展遲緩,我就要刺激佢哋學習,佢哋亦感受到我嘅愛,每次做完義工都筋疲力盡,但意外地做義工後我越來越快樂,笑聲多咗,以前係全職媽咪,仔女大咗我唔係冇咗事業,將來我會全副精神幫助孤兒直到我冇能力為止,要每一分鐘都活得有意義。」

等好劇本復出

近年李美鳳見子女大了,也不時拍拍護膚廣告,間中回港出席活動外,其餘時間都投入家庭生活,她不諱言近兩年都有導演邀請復出拍戲,可惜還未能打動她的心,「雖然仔女大了自由返來了,但我覺得未係時候,不過𠵱家暫時想成副精神做義工,雖然拍戲係一件好過癮和creative嘅事,透過身體、臉部和思想去做戲,不過除非有好劇本和好的演員班底先會考慮復出拍戲。」

更多精采時尚內容,盡在 http://hk.add.nextmedia.com

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載