› 選擇地區
三藩市
紐約
洛杉磯
其他美國地區
香港 台灣 北美
 
2014年10月30日

【七筆思議】
鄒四的夢幻之旅:不能太坦白 - 鄒凱光

我不是台灣文化的擁躉,也不是九把刀的fans,但我真心敬佩他的創作力,一定有很多生活體驗,一定很多愛情,至可以有如此厲害,所以他偷跳,我認為是理所當然!我對呢單新聞的感覺,就等同利物浦輸給皇馬,是合情合理,毫無驚喜的!但我的22歲女編劇A是他的超級fans,看到她一提起九把刀就兩眼通紅,為免阻礙工作進度,我只好狠心說出真相!
「喂!呢啲才子梗係咁多情㗎啦!咁佢都冇逃避,出嚟開記招交代啦!」
其實我唔明點解要公開交代?佢女友又非你親朋,偷跳的那位也不是你情人或妻子!因為他是名人,一舉一動都影響大眾?咁唔該佢每一個月出來交代一下有幾多身家,佢搵幾多都好影響我心情!但為免影響女編劇A的工作進度,我還是沒有說出睇法!
但A聽罷還是無法釋懷:「我真係冇辦法接受!」
「你後生箒!遲啲你就知,男人都係唔多抵到誘惑,啲有才嘅男人就更加多誘惑,抵得幾多次呀?!」
A突然有點火:「佢劈腿嗰件都唔靚!」
其實我想講男人雖然未必是個個都「唔理好醜」,但「最緊要就手」,確係大部份男人「領嘢」的源頭!但為免影響她,我還是沒有說出真相!

與現實的落差

「係人都會錯!錯咗肯改過咪得囉!你原諒佢啦!」
A以肯定的語氣回覆:「唔可以!佢再唔係我偶像!咁多年嚟佢書裏面宣揚嘅東西唔係咁!」
其實我想講是因為現實生活未能實踐,所以才會寫落書裏去,但為免火上加油!我還是沒有說出來,只繼續聽她申訴。
「我知男人係咁衰!我明白呢啲係佢私人生活,但係佢建立到自己個形象咁健康,咁好男人,我先至會鍾意佢!我冇辦法只睇佢書同電影,而扮睇唔到佢自私嘅性格!再見喇!曾經嘅偶像!」
其實那刻我心情好複雜,一方面我認為A的反應有點過激,但同時又羨慕九把刀可以有咁熱血的fans,但為免影響她工作,我還是打算搞隻gag快快完結話題!
「都叫你鍾意我㗎啦!由始至終都表裏一致,絕冇呃過你,絕對是個X街!」
其實搞隻gag即是打個圓場,隻gag又冇話一定好好笑嘅!而通常出賣到自己,就算你笑唔出,都識趣會轉個話題,快快趣帶過就算,怎料A想了一會,嚴正地跟我說:「但係再揀,我都係鍾意九把刀,至少有段時間佢唔係X街,好似你咁由始至終都係個X街,我真係點都唔會鍾意!」
原來呃女人X街鬥唔過你坦白,那九把刀坦白承認「我很喜歡她,但我的未來是屬於女友!」又點會唔X街!但其實又不是殺人放火,男歡女愛友誼賽,有幾碧刁呀?!但為免影響她工作,我還是笑着感謝她「多謝你唔鍾意我!」

撰文:鄒凱光

集編劇、導演、演員、主持於一身的中年漢,有着男人的浪漫。

本欄逢周四刊登

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載