› 選擇地區
三藩市
紐約
洛杉磯
其他美國地區
香港 台灣 北美
 
2014年11月20日

台慶求婚撼維基?
祖藍巨鑽冧掂亞男

噚晚個個人,尤其係年輕一輩,都係講緊HKTV開台,雖然仲係問題多多,始終唔係大氣電波,網上播放唔夠穩定,噚晚8點仲好多人上網同手機都開唔到,惟有去USTREAM分流睇,完全忘記咗大台-----TVB都係台慶。

TVB為咗收視,噚晚會搞咩花臣去吸引觀眾?噚晚台慶,你估都估唔到嘅係,王祖藍竟然喺噚晚呢個場合,當眾向女友李亞男求婚,玫瑰花同戒指都準備好,仲請埋家人見證,真係做戲做全套,而李亞男亦眼泛淚光,即場戴上求婚戒指應承。

究竟係TVB要求王祖藍咁做?定係王祖藍獻計救收視?戒指玫瑰家人都一應俱存,肯肯定唔係即興,將自己婚姻大事都放埋喺個「事業」上面,只能夠話王祖藍真係好有事業心,而TVB亦被王維基嘅HKTV迫得太緊,王祖藍要當眾求婚,有幾多係因為王維基呢?仲要時間放喺對家開台劇《選戰》嘅9點半時段,真係夾都冇咁橋。

事後兩人喺後台受訪,更兩度咀嘴合照兼合巹交杯,李亞男聲稱事前唔知道會王祖藍會求婚,覺得好驚喜,仲笑住話唔要有下次。王祖藍就話自己諗咗好多招數,不過兩星期前先決定台慶夜進行,記者笑佢騎劫台慶,佢就笑話:「借來使使囉!」咁婚禮肯唔肯俾TVB直播?佢話:「未想呀!」仲話亞男唔係大肚。

相關新聞:60藝人情義助維基

港視開台Timeline:
http://bit.ly/1xPjXK3
(建議以平板或桌上電腦瀏覽)

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載