蘋果日報 | APPLE DAILY
› 選擇地區
三藩市
紐約
洛杉磯
其他美國地區
2014年11月23日

蕭潮順:最記得霑叔笑聲

蕭潮順把霑叔保留的聲音輯錄成書《好聲》,作為送給霑叔的禮物。
攝影:林德雄

【師徒篇】
著名製作人蕭潮順指黃霑是影響他一生最大的恩人,黃霑的出現就像《西遊記》的孫悟空遇上唐僧,蕭潮順笑言曾有一段時間崇拜「黃霑教」。他回想童年時為家中的士多送牛奶到霑叔家,其間被狼狗一嚇,隨即聽到黃霑聲如洪鐘的笑聲:「哈哈!𡃁仔你咁渣咁冇用㗎!」
92年,蕭潮順監製無綫節目《江山如此多FUN》,真正與霑叔相交,96年霑叔建議他離開無綫,並打本近20萬予他自立門戶,一齊開製作公司。蕭潮順的「好合拍」製作公司是由黃霑命名:「當年霑叔要我哋上市,過幾年我哋真係上咗市,佢成日教我哋,試就一半機會,唔試就一半都冇。有一段時間我當佢係神,我信黃霑教,好崇拜佢。」

相關新聞:顧嘉煇感寂寞:好掛住霑叔!

盼實現舞台劇遺作

黃霑晚年計劃創造一個「霑篤篤」卡通角色,在電視節目中教小朋友認識唐詩宋詞;另外,霑叔還寫下一個從未曝光的《西遊記》舞台劇劇本,蕭潮順說:「佢寫咗一個《西遊記》舞台劇劇本畀我睇,有啲歌都寫咗,嚟緊嘅日子睇吓有冇資源同緣份實現。」
蕭潮順今年更把黃霑生前所保留有價值的聲音,活化成有聲書《好聲》,作為送給霑叔離開10年的禮物。
採訪:張俊銘

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載