› 選擇地區
三藩市
紐約
洛杉磯
其他美國地區
香港 台灣 北美
 
2014年11月26日

首任拍賣官感興奮 
嘉玲廣邀好友 大搞49歲生日

劉嘉玲下月8日49歲生日,她預告將大肆慶祝。

劉嘉玲與鄧永鏘前日現身灣仔,出席中國站(倫敦)與佳士得合辦的慈善拍賣,嘉玲更首次擔任客席拍賣官,現場她亦有舉手投畫,可惜因超出預算未有成功,其實她已預早在場內看到心頭好,買下一幅畫作自己的生日禮物,嘉玲更預告下月的生日將大肆慶祝,她說:「49歲,女人要做大佢,會喺香港,好多朋友會join。」

鄧永鏘唔管女兒婚事

拍賣會安排由嘉玲拍賣最後一件畫作,嘉玲近年愛上收藏藝術品,她說:「睇幅畫好過買衫同袋。」偉仔都有收藏?她說:「都鍾意,係一啲佢覺得好過癮嘅,我就鍾意色彩繽紛同油畫,年紀漸大,會買啲禪啲嘅,心境有溝通。」提到鞏俐以1票之差輸了金馬影后,會否戥她不值?嘉玲說:「冇話唔抵,所有嘢都要天時地利人和,佢拎唔拎到都係我心目中嘅影后。」
鄧永鏘女兒鄧愛嘉將在後日起連續3天於北京舉行婚禮,嘉玲表示會先去高圓圓的婚禮,再到北京參加。而提到女兒的婚禮,鄧永鏘則說:「係佢嘅婚禮,佢自己管,佢話自己管晒。」他表示會邀請一、兩個皇族成員,會請其他藝人嗎?他說:「𠵱家後生搞,唔鍾意老鬼去,唔一定請我哋嘅朋友,喺北京有好好藉口,唔使大搞,唔使嚟,最重要個女同未來女婿。」
採訪:溫敏芝
攝影:沈健程

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載