› 選擇地區
三藩市
紐約
洛杉磯
其他美國地區
香港 台灣 北美
 
2014年11月26日

七個月大「小肉球」
大S感慨:她有思想了

大S(徐熙媛)自從生咗個寶貝女汪希玥(小玥兒),一直專心相夫教子,眨吓眼乖女小玥兒就已經足7個月,前晚人妻大S就喺微博晒愛女嘅相,講囡囡唔再係當初單純嘅「肉球」,現時已經開始有思想,雖然講到個女好似外星生物咁,不過大家都應該感受到大S現時有幾幸福。

大S寫道:「今天我的心肝肝小肉球七個月了!她已經不是當初單純的肉球,她有思想了!也學會一些人類的把戲!但無論她有甚麼絕招,她始終是 我心頭摘下的一塊肉揉成的我的心肝肝,我愛妳。」見相中,著住黃色衫嘅小玥兒面容清秀,小玥兒穿著黃色帶花上衣,粉嫩嘅臉蛋、 尖尖嘅下巴同彎彎嘅笑眼,加埋同爸爸汪小菲一樣有一對單眼皮,唔少網民覺得小玥兒越大越似爸爸。

大S亦都好有心機同fans喺微博分享湊B經,叫一啲媽媽記得「盡情的愛吧!ㄧ轉眼就大了!」有fans問大S可唔可以影多啲小玥兒抱 奶瓶嘅相,大S回應:「心肝肝喝奶好認真!不忍打擾她。」睇嚟大S真係好享受做全職媽咪嘅樂趣噃!

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載