› 選擇地區
三藩市
紐約
洛杉磯
其他美國地區
香港 台灣 北美
 
2014年11月26日

Mandy殺入正印地頭
人肉速遞過馬交箍洗米華

依家年代真係唔同咗喇(好似係),做第三者,唔需要低調,仲可以幫手搵銀。 好似周永恒個婚外情女友Ruby,幫埋手sell客兼坐地起價為周生接job,之不過個客不屑其所為,唔要。

要call客,辛苦錢,唔易賺。 最近同樣與人夫、太陽娛樂老闆洗米華(周焯華)過從甚密嘅Mandy Lieu,亦都非常勤力,除咗真空露半球好乖豬咁做洗米華嘅人肉私家凳之外,仲做埋運 財女神,帶挈對方喺賭枱上贏過千萬,難怪洗米華都同佢講:「唔驚、唔驚、唔驚,你買乜,就開乜!」

Mandy Lieu又豈會不知自己已經做咗運財童子呢? 家陣嘅佢就真係威喇,出入有保鑣,有助手,氣勢迫人。 貴為澳門猛人身邊女人,Mandy有番咁上下行頭都好平常。 而之前講到佢好勤力,係勤力啲咩呢? 就係密密過大海去澳門。 咁唔係搵何生,就係搵周生0架啦。

昨日有雜質仲un seguimiento埋Mandy Lieu,話說日前佢喺香港出席完一個活動之後,即刻人肉速遞去澳門——當然唔係坐船啦,而係坐直升機,盡現身份地位。

查實呢,洗米華已有元配陳慧玲,之前曾有報道話,洗米華即使異性緣極旺,但一樣俾足面老婆;而陳慧玲亦喺公開場合俾面老公,從不插手。 但眼見Mandy Lieu來勢「胸胸」,陳慧玲亦不得不出招,喺fb大晒家庭照;洗米華之前亦一擲逾五百萬,請大班朋友豪遊法國瑞士十日,為太太慶祝牛一。 點知Mandy Lieu越踩越過,仲殺到去澳門,當地話晒係陳慧玲出生地,會唔會盡咗啲呢……

報道仲話,Mandy Lieu已經發功,除咗獲豪買西半山豪宅珒然一個極高層單位外(市值逾九千萬),更游說洗米華呢位「好友」為其於澳門置業,目標係 氹仔新樓盤濠珀,一個單位都閒閒地二三千萬0架。 唔緊要,以運財童子威力,好易贏得番。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載