› 選擇地區
三藩市
紐約
洛杉磯
其他美國地區
香港 台灣 北美
 
2014年12月01日

阮兆祥女友轟白色恐怖
吳卓羲認被斟過檔

無綫近年經常製作膠劇,又鍾意自我審查,促使台前幕後最近暗地裏「作反」。阮兆祥早前在棟篤笑騷明撐王維基開台,即觸動大台神經,傳祥仔為此被飛出《歡樂滿東華》演出。

「莫非得罪山姐」

祥仔雖然沒有直接承認「被罰」,但其女友Crystal卻看不過眼,近日連環在facebook炮轟大台搞白色恐怖,前日寫着:「特別報告,繼早前被指撐基基事件之後,大台白色恐怖立刻來臨,原定歡樂滿東華表演項目無故被抽起!莫非真的得罪咗《山》姐?請大家密切留意事態發展!」

其實祥仔未被飛前,Crystal已早着先機說:「要小小小心山姐先好呀!」由於《東華》節目是由綜藝科揸弗人余詠珊負責,「山姐」之名呼之欲出。昨日Crystal又再貼出祥仔被飛出東華文章,並自己按讚,幸好祥仔未有被飛出新劇,昨日在微博貼出造型照。
有傳祥仔明年約滿無綫後不再續約,也是明年約滿的吳卓羲,昨日與胡杏兒在將軍澳宣傳時,異口同聲表示有其他公司找自己,揚言仍未有決定。吳卓羲承認一直有中港公司斟過檔:「未決定,係朋友問起,當時仲有一年半載約,我話到時再傾啦。」被指冇獎令他心灰意冷?他說:「呢啲睇緣份,最重要角色同對手,錢都係其次。我亦認同林峯所講,每個人都係個體,冇人影響到自己決定。」同樣傳離開大台的胡杏兒則說:「想工作同生活攞個平衡,太辛苦會好快老。」

祖藍唔驚照肺

至於有離心的王祖藍,主演及度橋的《老表,你好hea》多番揶揄台慶頒獎禮,他昨日在沙田出席活動說:「合約仲有一段時間,暫時冇咁諗,其實𠵱家耐唔耐都有北上(搵食),公司冇向我了解。」跟李亞男的婚期已定於明年2月14日,並依足亞男要求在迪士尼擺酒,祖藍說:「嗰度係我哋第一次約會地方,希望畀我做一日白馬王子。」婚後會先過二人世界,生仔要輔導。
採訪:嵐山、藍文浩
攝影:沈健程

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載