› 選擇地區
三藩市
紐約
洛杉磯
其他美國地區
香港 台灣 北美
 
2014年12月01日

紅館騷反擊肥過電單車
衞蘭寸黎明:五年後會明

黎明金句之一「衞蘭肥過部電單車」,相信目的是激發衞蘭(Janice)小宇宙令她減肥,前晚Janice在紅館舉行一連兩場「Walking to the Future」演唱會,遲開騷40分鐘的Janice坐着一部電單車出場唱《誰明浪子心》,果然黎明的激將法奏效,現場所見Janice是瘦過一部電單車,不過一身鐵騎士打扮的她,腰圓臀豐,看上去仍然略胖。
Janice全晚換了7個造型,歌衫都是鬆身闊袖,奇形怪狀。Janice唱出不少巨星經典金曲,其間Janice在台上有感而發問觀眾:「你食咗飯未呀?我三個月冇食過飯,剩係食烚雞同烚菜,乜都冇得食零食都唔得,冇食嘢仲要又跳又唱,好辛苦。你哋有冇零食喺度呀!有我就同佢哋影自拍。」兩位粉絲即時高舉手中零食,Janice便叫他們上台,場面搞笑。

「佢喺度我都照講」

接着台上畫面出現一個超級肥人坐電單車露股相,之後Janice說:「衞蘭唔係勁瘦,不過都唔係好肥。」嘉賓鄭欣宜出場時,再安慰Janice說:「今日有我企喺你側邊,我肥過部坦克車,影得你好瘦,好好enjoy同我合唱。」

除了Janice爸爸,不少圈中教友如謝安琪、張衞健太太張茜以及鄧萃雯等都有撐場,老闆黎明則未見影蹤。Janice完成首場個唱在後台接受訪問,她承認是趁機向黎明澄清兼平反,她說:「我覺得呢句好搞笑,唔係話佢喺度定唔喺度,我都照講架喇!」Janice表示最初很介意黎明所指:「但係我知道佢講笑囉!你知佢講嘢有好多層次,可能我五年後會明白呢!」
採訪:盧妹
攝影:陳俊強

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載