› 選擇地區
三藩市
紐約
洛杉磯
其他美國地區
香港 台灣 北美
 
2014年12月06日

學足霆鋒Chok樣 王菲戴超睇首映

王菲和謝霆鋒被爆復合後,拍拖範圍已由阿菲北京閨房「安全屋」慢慢擴展開去,兩人不時都會相約良朋共聚,只是仍未在香港齊齊現身,日前霆鋒返港出席蘇永康婚宴,阿菲亦未有同行。不過,未知是否近朱者赤,近墨者黑,阿菲以往出席活動甚少戴黑超示人,但自跟霆鋒復合後,學足男友「超」不離眼,繼早前出席好友化妝師Zing展覽活動時,全程都戴着黑超。前日阿菲在北京看電影首映,竟然都戴黑超上陣,認真犀利!

栢芝希望閃婚

阿菲主唱電影《匆匆那年》主題曲,前晚突然出席北京舉行的首映禮,受訪時更惜字如金,只說:「票房大賣,讓大家都喜歡!」而電影主角彭于晏與她在戲院內合照後即放上微博,留言說:「匆匆今天上映啦!同學們,我們是最強的電影《匆匆那年》,開心見到女神天后王菲,老朋友陳妍希,好久不見!」
另外,張栢芝日前接受劉美娟在數碼電台主持的節目《1+寶貝》訪問,除了講家人,還提到童年及愛情,栢芝說:「我都要學習照顧自己人生,要享受吓。我成世為人付出,唔識得愛自己,好多人我愛錯咗,過份咗愛。」她又表示,至今仍然相信愛情,希望可以再婚,甚至閃婚。

提到兩個兒子,栢芝憶述Lucas有次要入急症時不禁落淚:「Lucas問我『媽咪,我係咪會死?』我覺得好無助,安撫唔到個仔有恐懼,後來囝囝好啲,我自己一個人喺醫院,好似《忘不了》嗰幕咁,幾日都喺度,瘦咗好多,自己之後都入埋院。」
另外栢芝又指約9歲時雙親離婚,她竟拍手叫好並把6、7萬積蓄交給媽媽,希望她帶自己走。
採訪、攝影:陶然婷

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載