› 選擇地區
三藩市
紐約
洛杉磯
其他美國地區
香港 台灣 北美
 
2014年12月06日

網民推翻民選港姐陳凱琳
被寸似《亞拉丁》艾格

上年以17萬票當選嘅「民選」港姐陳凱琳,起初大家覺得佢甜美笑容,攞冠軍係實至名歸,但就一直被彈係「史上最平胸港姐」,之前未卸任港姐工作,唔係成日見到佢,網民都冇「投訴」,不過大台最近俾機會佢拍劇,就出晒事喇!

出鏡機會多咗,大家望多幾眼,陳凱琳就開始被喪踩,依家仲有網民問publicar話覺得佢「好樣衰」,更誇張到話似「人妖」。 查實係咪個妝重手咗咋?

開po嘅網民仲反開大家,點解咁多人話陳凱琳係最靚港姐,仲話致命傷係佢個下巴仔——太「兜」。 啲網民仲踩幾得盡,話佢似男人樣,有人留言:「我娘親又係一路睇住,一路咁話佢。」有網民又指:「有冇選完個樣?通常選完先知 靚唔靚?」咪住先,高登仔之前激讚㗎喎! 乜變得咁快呀?

網民仲舉咗幾個同陳凱琳似嘅動漫人物,如伊藤潤二場的時裝模特兒、SHACO、《亞拉丁》艾格等等等等。 似唔似,睇圖研究下。

其實靚唔靚真係好主觀,或者陳凱琳微笑嗰陣靚啲,下巴郁動幅度唔好太大,咁會好啲。 而且家陣佢入劇組磨練演技,咁大家都可以試下將焦點擺喺其他位都得嘅。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載