› 選擇地區
三藩市
紐約
洛杉磯
其他美國地區
香港 台灣 北美
 
2014年12月13日

周六趣娛覽:蘋果勁Hit金曲頒獎禮
《撐起雨傘》勁感動《浮誇》夠爭氣

【勁動人心弦歌曲獎 《撐起雨傘》】

【蘋果勁Hit金曲頒獎禮】
雨傘運動人散曲未終,一首《撐起雨傘》不但成為「和平佔中」運動新象徵,亦恍如全年所有歌曲的一道清泉,為表揚過去一年勇敢撐香港、撐樂壇的歌手及眾幕後功臣,本報娛樂版舉辦了「2014年度蘋果勁Hit金曲頒獎禮」,用嬉笑怒罵的手法頒發另類音樂獎,《撐起雨傘》亦不負眾望,成為勁令人感動歌曲,至於陳奕迅唱《浮誇》贏盡泡菜國歌手掌聲,就勁為港人爭氣!
撰文:金淼

勁動人心弦歌曲獎
《撐起雨傘》

《撐起雨傘》由林夕、羅曉彬(Pan)於今年10月2日開始創作,歌曲由創作至完成錄製只花兩日時間,而此歌的歌名由來,因為示威者利用雨傘抵擋警方使用胡椒噴霧,10月4日晚何韻詩、黃耀明、Pan、林夕在夏愨道首次上台高唱《撐起雨傘》。

勁勇歌手獎
何韻詩

何韻詩去年今日在台灣為音樂舞台劇《賈寶玉》演出,今年卻放下工作,全力參與社運,整個雨傘運動更加是由頭撐到被補,阿詩那個勇字絕非只放在心口,故「最勇歌手獎」非她莫屬。

勁爭氣歌曲獎
《浮誇》

呢個獎係真心表揚陳奕迅最近喺MAMA用最唔浮誇嘅方法唱《浮誇》,喺泡菜國歌手面前贏盡掌聲,替港人爭氣!

勁抽水創作大獎
《一口'梁'氣-JFung Remix》

太強喇!雖然Jacky Fung唔係咩出名嘅創作人,但佢憑齊昕嘅母親就可以做出一個咁正嘅Remix,連本報頒獎禮嘅籌委成員都loop咗唔少次,起碼過百萬點擊!

鹹魚勁翻生金曲金獎
《相逢何必曾相識》

由蔣志光、韋綺珊合唱、24年前嘅老歌《相逢何必曾相識》突然翻hit,唔單止MV喺YouTube有過百萬點擊,連90後都唔嫌out,唔通真係茶是故鄉濃,歌是舊歌紅?

勁驅寒MV大獎
《色惑》楊千嬅

潮媽千嬅喺《色惑》MV入面着黑色喱士衫跳辣舞,仲要喺9月熱辣辣嘅月份派歌,真係睇到標晒汗!之但係𠵱家睇個MV又唔同喎,12月凍冰冰,有驅寒作用!推!

勁維穩歌曲獎
《北京北角》

由黃偉文填詞、林一峰作曲、李克勤主唱嘅《北京北角》,今年6月推出即觸動網民神經,MV最後仲有錫錫嘅北京同北角公仔,真係睇到大家眼都凸埋。

勁隱形歌手獎
謝偉倫

如果歌手想隱形,會唔會因為本報頒咗獎畀佢,令佢被迫高調呢?但係高登巴打都好欣賞謝偉倫,今時今日仲喺《宣傳易》買廣告,仲要只得5秒。

勁怕你唔驚MV獎
《Silly Dreams》顏福偉

阿媽話小朋友嚇吓先大,但如果你同我都已經係成人,仲識得上網睇MV,睇過顏福偉新歌《Silly Dreams》嘅MV,驚嘅程度,真係難以用筆墨去形容。

12月15號要記低
See See TVB.Bloody最威
http://hk.apple.nextmedia.com/tvbloody

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載