› 選擇地區
三藩市
紐約
洛杉磯
其他美國地區
香港 台灣 北美
 
2014年12月20日

美棋BB整朱古力迎聖誕

【1】
美棋BB在師傅的指示下,將脆米和朱古力混合。

黃美棋日前與麥子樂相約在太古坊學做朱古力甜品,準備在聖誕節炮製甜品,當日他們分別學整朱古力小鹿聖誕造型曲奇和聖誕樹,美棋BB下廚天份似乎不錯,見到她在亞太區朱古力大使的指導下,製成品有板有眼,相比之下麥子樂的製成品略嫌粗糙!

各有難忘聖誕

事後他們異口同聲表示好好玩,美棋BB笑說:「我冇諗過可以咁整聖誕樹,我諗住整畀屋企人食!我讀書嗰陣有整,都有人送番畀我!」麥子樂說:「我應該學到啲,都會試吓整畀人食!」提到難忘的聖誕節,他們各自在外地過聖誕有不同的經歷,美棋BB說:「我嗰陣喺第一年去美國讀書,諗住喺外國啲聖誕氣氛會比香港好好多,所以正日嗰日咪同啲同學出街慶祝,點知出到去啲舖頭全部閂晒門,連燈飾都唔見有,嗰年感覺好特別,好似白過咗一個聖誕!」麥子樂亦說:「有一年去咗東南亞過聖誕,以前過聖誕一定係冬天,但係嗰年竟然過咗個熱辣辣聖誕,感覺幾特別。」

今年聖誕,麥子樂表示要在工作中度過,而美棋BB則會與媽咪一起過,她說:「媽咪知我嗰日放假,即刻話買牛扒整畀我食。」至於會否相約其他港視的好友開派對?他們說:「暫時未知,不過我哋都係同一個經理人,可能會約食飯慶祝!」
採訪:何慧斯
攝影:陳志嵐
材料、場地提供:GODIVA

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載