› 選擇地區
三藩市
紐約
洛杉磯
其他美國地區
香港 台灣 北美
 
2014年12月23日

四大唱片拒絕再玩
勁歌遭杯葛 林欣彤晒事業線撐場

無綫前晚假電視城舉行「勁歌金曲優秀選第二回」,由於環球、華納、太陽娛樂、Neway的歌手齊齊缺席玩杯葛,在蜀中無大將下,英皇的林欣彤、洪卓立、王梓軒、羅力威等狂擸8獎、無綫旗下星夢的吳若希、許廷鏗、鄭俊弘等掃走5獎,寰亞只有側田和C AllStar有獎,英皇和星夢幾乎玩晒成個優秀選。收視平均13點,約84萬觀眾。捧兩個獎的林欣彤罕有地低胸露事業線上陣,被網友取笑「乳多人不怪」。
據知,之前無綫因偏袒自己友星夢歌手,令關係友好的英皇不滿,天后容祖兒帶頭不續簽大台歌手約,加上大台跟四大唱片未破冰,無綫為免《勁歌》總選冷清,早前雖跪低開放總選給沒合約歌手參與,可惜陳奕迅所屬的環球已事先張揚拒絕再玩。

Jade冇到冇獎攞

據知日前無綫曾用獎利誘華納周柏豪、官恩娜出席優秀選,但如意算盤依然打不響,消息指繼環球之後,華納和太陽娛樂都決定唔玩《勁歌》總選。太陽娛樂發言人回覆:「許志安同薛凱琪忙商演,𠵱家仲度緊期,未覆實無綫。」
至於Neway的關心妍(Jade)前晚有份角逐卻沒有獎項,其唱片公司高層朱先生接受電話訪問說:「佢唔喺香港,冇話滿唔滿意賽果,或者歌曲未達攞獎標準囉。」據知Jade總選當日不在港,問Neway歌手會否出席頒獎禮?他說:「都係嗰句,如果檔期OK會去。」

此外,捧兩個獎的謝安琪以金髮look現身,對於Eric Kwok和經理人爆罵戰,她說:「知Eric冇嬲,我有send訊息畀佢,如果佢唔開心,我話一定要講唔好意思,佢話同我講番唔好意思,成件事係字眼誇張咗啫。」至於不滿排位缺席廣州頒獎禮,她說:「經理人覺得冇受到尊重,既然安排唔公平咪唔去。」
採訪:皓騫

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載