蘋果日報 | APPLE DAILY
› 選擇地區
三藩市
紐約
洛杉磯
其他美國地區
2015年01月03日

7歲囝囝見證
杜挺豪黃璦瑤加國完婚

杜挺豪(Derek)和黃璦瑤(瑤瑤)2007年未婚產子,之後一直未有正式註冊。為了前途和生計,黃璦瑤帶着兒子(Daniel)留港生活,杜挺豪則獨自返回加拿大發展。Derek現在於加拿大的電視台和電台擔任節目主持和幫助家人打理地產公司,做樓宇買賣。直至去年年中,瑤瑤辭去美容公司的高級經理之位,帶同7歲囝囝Daniel跟拍拖13年的杜挺豪飛往加拿大定居,終於二人在香港時間周二晚在加拿大當地註冊正式成為合法夫婦。

低調結婚怕麻煩

日前Derek和瑤瑤的好友在facebook上載他們的註冊相並送上祝福,昨晨遠在加拿大的瑤瑤透過WhatsApp接受訪問,她說:「之前只係太忙冇主力去搞,主力湊細路仔,其實我哋唔打算大搞,之前自己做過廣告,其實好多琑碎嘢好驚做唔到,想簡簡單單,做咗件事就完滿咗。」在註冊當日,瑤瑤表示自己的心情平靜,反而Derek表現認真,她說:「我哋兩個諗住低調,冇咩大不了,成件事都係順理成章,身邊人好多祝福。」

叫亞視搞籌款騷

亞視就是他們的媒人,對於舊公司的前景和舊同事的遭遇,他們都感到心痛,瑤瑤說:「愛之深痛之切,都好無奈,希望點樣可以幫同事,我哋剛返咗一轉香港,約舊同事唔出來,原因係未出糧。」
瑤瑤提議搞一個慈善籌款騷,她說:「好似《睇真啲》以前有個基金咁,係咪可以做一個籌款活動,做番一個節目,幫我哋啲員工籌款出糧,股東唔肯出錢,情況係令人擔心,點樣可以解佢哋燃眉之急?做一個慈善籌款節目等大家可以出糧。」
採訪:嵐山

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載