› 選擇地區
三藩市
紐約
洛杉磯
其他美國地區
香港 台灣 北美
 
2015年01月10日

Eddie偷食韓妹 
朱慧敏盲撐

曾跟梁榮忠車震的04年港姐亞軍朱慧敏,自與台灣IT界億萬舊愛分手後,回歸平淡轉投組合EO2成員Eddie(彭懷安)懷抱,怎知Eddie有個港姐女友都未心足,三番兩次被踢爆背女友偷食,繼大前年被影到拖長腿妹蒲蘭桂坊夜店Magnum後,有讀者報料指昨凌晨2時許,再在Magnum目擊Eddie「執屍」媾韓妹,又攬又錫。

攬豐滿醉娃離開

據讀者爆料,經常在老蘭的夜場碰到Eddie獵食,昨凌晨2時許,又見到Eddie與兩個男友人到Magnum尋歡玩樂,讀者說:「當時我有朋友yo(媾)緊韓妹,後來韓妹飲到醉咗,Eddie就借啲意埋去執屍(醉酒女),又錫又攬,韓妹只係識簡單英文,兩個雞同鴨講,佢哋玩到4點幾攬住走。」韓妹雖然樣子普通,但身材豐滿吸引。

「佢推動旅遊業」

昨有網友更將Eddie的媾女相貼上討論區,有圖有真相,還揶揄Eddie:「當然無鄭嘉穎咁吸引可以左揀右揀,不過最後都俾佢揀到個韓妹,都算係有收穫。」有網友替正印女友不值,留言:「朱慧敏,正好多」、「朱慧敏真係慘,條仔唔食自己,走去媾件豬扒。」
朱慧敏昨以短訊回覆死䇛男友:「Eddie攞正牌,噚晚同佢一齊收舖,我返屋企,佢同朋友去飲嘢,『客棧』籌備到下星期開張,佢都有一年幾冇同朋友放鬆吓飲杯嘢,我對佢百分百有信心。啲相係朋友傾偈相,好明顯係介紹緊『客棧』菜式俾嗰位韓國小姐,推動緊香港旅遊業,我仲恭喜Eddie,一年半冇去蘭桂坊,今次去咗一陣就俾人影相,證明佢當旺。」
採訪:皓騫

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載