蘋果日報 | APPLE DAILY
› 選擇地區
三藩市
紐約
洛杉磯
其他美國地區
2015年01月13日

叮噹林保全月尾公祭

20,818

資深配音員林保全早前病逝,囡囡林芷筠昨在將軍澳跟記者見面,她透露將於本月30日在紅磡世界殯儀館為保全叔設靈,喪禮以傳統佛教儀式進行,翌日出殯,並移送到鑽石山火葬場進行火化。保全叔的扶靈名單將會稍後公佈,芷筠表示應父親的聲迷要求,將會特設公祭時段,讓市民拜祭。靈堂內會播放保全叔生前作品及推出紀念特刊,她說:「希望大家都可以做叮噹,做個好人,經常幫忙身邊的人。」
下月上映的CG動畫《STAND BY ME:多啦A夢3D》,成為他最後一次幫叮噹(現改稱多啦A夢)配音的作品。前日在尖沙嘴舉行優先場,很多圈中藝人如黃紫盈、小儀同陳淇一家幾口都有現身捧場。電影未完場,有份欣賞的導演郭子健及王菀之已經眼濕濕,還要出動紙巾,因為預告片中保全叔配音的叮噹講了句「我唔可以再留喺度,真係要走嘞」令到大家都好想知點解,原來今集的叮噹是由幾集漫畫故事集結寫成,由叮噹為何來到大雄家,講到他要離開。

王菀之睇到爆喊

王菀之昨在電話中坦言有很多場戲都有喊,她說:「叮噹要走嗰陣時好唔捨得啦、大雄其實好善良、好生性,結果真係唔靠多啦A夢就可以解決問題,越近尾就越喊,同時勾起咗好多細個嘅回憶。」
身為漫畫迷嘅郭子健亦睇到喊,昨接受電話訪問時話:「睇到靜宜臨結婚同爹哋傾偈嘅對話個鼻已經酸,到大雄同叮噹訣別一段、同埋佢單挑技安嗰幕,真係冇得唔喊。」
採訪:李森

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載