› 選擇地區
三藩市
紐約
洛杉磯
其他美國地區
香港 台灣 北美
 
2015年01月16日

有話兒:黑仔性上癮 搞亂莊思敏

黑仔與莊思敏日前接受本報專訪,二人在新片飾演模範夫妻,但男方因患性上癮,經常找其他對象洩慾。攝影:陳俊強

莊思敏、姜皓文(黑仔)在電影《小姐誘心》挑戰ⅡB級最大尺度,在戲中飾演性上癮病患者的黑仔,要以情慾性愛抑制病情,要不斷尋找性愛作為治病靈藥,夫妻二人要對抗病情的同時,又要維繫良好感情,小黑在每場不同的戲份都要應付不同的美女及性愛場面,令他大叫吃不消。
撰文:張俊銘

昨日被報道指曾被亞視老闆王征「睇中」的姜皓文,最近與莊思敏在電影《小姐誘心》合演夫妻,片中二人是商界兼娛樂界名人、城中的模範夫妻,但黑仔卻是性上癮病患者,同時莊思敏身邊又有一位追求者,以致兩人的性生活錯綜複雜。對於演性上癮病患者,黑仔日前接受專訪說:「我都覺得奇怪香港有呢啲團體,一班人約埋一齊就出嚟做呢樣嘢,為想搞而搞,好似想食支煙,食完就走,又同性變態唔同,又唔係濫交,係志同道合,原來香港有好多呢啲人。」戲中黑仔與老婆莊思敏甚少機會同床,而身為職業女性的莊思敏對性事不太投入,以致男方要找發洩對象,黑仔說:「戲中我成日以為自己係性變態,原來係一個病,好似強迫症,最終要睇心理醫生。」他認為若然是現實生活的性上癮病患者,相信自己不會發覺自己患病,只有身邊人才發現。

車震Jeana出晒汗

拍攝期間,黑仔面對所有女演員均要上演不同激烈程度的情慾戲,包括與何佩瑜(Jeana)車震、孖曾淑雅(Jumbo)於廁格gathering,黑仔說:「幾單都好混亂,第一單喺廁所,病發到拉朋友條女入廁所搞,但地方太細,拍攝較為複雜;同Jeana就喺架車度,要現場收音,唔可以開冷氣,身水身汗,撞手撞腳,但幾個對手都好專業、好放。第一場就同老婆(莊思敏)拍床戲,每個都唔使熱身。」黑仔又為自己的角色講說話:「我同個小三(Jeana)搞完,依然好愛我老婆,我同佢只係執一劑藥啫,執完就冇嘢,冇任何關係。」

尷尬睇自己床戲

莊思敏在戲中飾演一名經理人,其中一個小三是她旗下藝人,更以要脅方式威脅其夫妻關係,所以不得不解決。莊思敏透露她在片中與麥子樂的床戲更為激烈,被對方撕去內褲,她說:「我同子樂拍嗰場戲,仲要有認識嘅朋友嚟探班,認真尷尬!仲要冇乜衫着,嚟探班嗰個又尷尬。」莊思敏笑指首映當日,幾乎每個有床戲的女演員都有入場觀看,當播放到自己的床戲時,她則以雙手掩面,似睇鬼片。

服裝:Ted Baker(莊思敏)
化妝:Jane Leung(姜皓文)
場地:Grand Central Bar & Gril

不接受伴侶出軌

莊思敏坦言現實生活中接受不到老公或男友患有性上癮病症,她說:「我會帶佢去睇醫生,但好難接受,唔通幫佢搵埋執番劑,應該唔會去到咁豁達。」但她身邊好友卻能豁達面對,莊思敏說:「我個女性朋友嘅老公會話畀佢聽,今晚去邊間夜總會或者過澳門,我問過個朋友點解可以接受,佢話佢老公對佢好好,講明唔會有真感情。」身邊的姜皓文笑言:「男人通常單方面以為女人能夠接受你出去玩,但係邊度得?調返轉男人一定接受唔到。」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載