› 選擇地區
三藩市
紐約
洛杉磯
其他美國地區
香港 台灣 北美
 
2015年01月16日

曾話拒婚前性行為
女神Anjay同闊少男友秘密同居

去年喺大婆台劇集《女人俱樂部》中,飾演「少女版李若彤」嘅Anjaylia陳嘉寶,去年五月自爆初戀終於來了——又係闊少——黃頌祈(Epaphras Wong),屋企好有米,家族至少有7個物業,不過半億家底闊少06年曾被控刑事恐嚇及不小心駕駛罪成,留下案底,又涉盜竊案。有指兩人喺教會撻著。女神鍾意,冇計。

當時Anjay仲話明,自己係教徒,所以會好乖豬,只可以錫錫,但唔可以有婚前性行為。至於22歲嘅「少女版李麗珍」王敏奕(Venus),據知早就同曾志偉仔曾國祥住埋,箍到實。

24歲嘅Anjay同闊少拍拖就快一年,兩人越愛越高調,拖手仔行街街落落大方。不過,原來兩人發展已經唔止拖拖同錫錫(好似係)。昨日有周刊報道就話,原來Anjay同闊少去年底已靜靜雞喺男友位於炮台山海峰園共賦同居喇。

報道話,Anjay為人進取,一方面又繼續幫大台拍劇,另一則又進軍時裝界舖路、加盟少女服裝品牌。雖然冇入股,只係做公關,但打盡人情牌,自己做埋生招牌;百足咁多爪,想同男友見面分分鐘要度期,如果一齊生活咪可以密密見囉;同時為咗同男友關係更進一步,同一屋簷下生活,都好正常。

但係Anjay就唔想人知道佢同男友同居呢件事,故此當兩人拍拖返閨俾記者「截住」之時,Anjay都火火地。其實只要女神開心,又可以箍得住男友,咁,做兵嘅仲有乜嘢好講呢?

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載