蘋果日報 | APPLE DAILY
› 選擇地區
三藩市
紐約
洛杉磯
其他美國地區
2015年01月18日

唐寧誕女湊好字
「真係好開心」

唐寧日前誕下一名女兒,母女平安。四年前與舞台劇才子鄧偉傑結婚的唐寧,已育有一名三歲大兒子俊俊,日前再為家庭增添新成員,她昨日接受電話訪問時說:「真係好開心,BB係早幾日出世,本來諗住順產,其實生兩胎都想順產,我係穿羊水入院嘅,痛咗十幾個鐘頭,一路喺度等,但個位都係爭啲,又唔可以等得太耐,為咗BB安全着想,醫生建議開刀。」唐寧透露老公有陪入產房,並拍下生BB過程,至於囡囡名字還未想好。

相關新聞:黑人范范晒孖仔腳帶

貼腳仔相報喜訊

昨日唐寧在微博公佈喜訊時,上載了BB女的腳仔相片,但B女右腳掌貼了膠布,唐寧表示囡囡出生後要抽血檢驗,只是一般正常程序。現在已回家坐月的唐寧謂:「今次搵咗個陪月,第一胎咁啱個朋友幫我,雖然隔咗咁耐,但應該好快pick up到。」
俊俊榮升哥哥,唐寧笑指兒子很興奮,之前已不時問妹妹何時出世,她說:「雖然俊俊做咗大哥哥,但我唔想畀大嘅壓力佢,用分享方式一齊去認識妹妹。」問到何時可以復工?她說:「休息吓先,想餵長嘅時間人奶,除非有特別工作,唔急嘅。呢胎還好,因為想順產生,特別控制住個體重,所以生完都唔係好大隻,應該好快keep番個身形。」
採訪:魯萍

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載