› 選擇地區
三藩市
紐約
洛杉磯
其他美國地區
香港 台灣 北美
 
2015年01月19日

馮仁昭四圍超:嘉玲賣護膚品 偉仔做白老鼠 - 馮仁昭

劉嘉玲、梁家輝同謝君豪喺灣仔演藝學院演出舞台劇《杜老誌》,前晚係第三度公演嘅頭場,蔡一傑、財政司司長曾俊華同老婆、自由黨榮譽主席田北俊同老婆等,都有去捧場。嘉玲日前放咗張素顏相上微博,前晚就着晒舞台戲服,個感覺真係唔同晒,不過年近半百嘅女星放自己冇化妝嘅相畀大家睇,呢份勇氣確實唔係個個有,網民讚49歲嘉玲依然好省鏡。嘉玲話:「化唔化妝都需要面對真實嘅自己,唔可以逃避,要接受自己,素顏都有素顏嘅靚,一起身化晒妝,瞓你隔籬嗰個都嚇死啦!」唔會嚇死老公梁朝偉嘅嘉玲,自爆偉仔係佢嘅白老鼠,有新產品第一時間捉偉仔幫手試。

獲收購壓力大

至於嘉玲做咗幾個月嘅護膚品公司嘉玲國際,有上市公司收購,成事嘅話可以袋億幾,嘉玲開心咁話:「係真係有呢個好消息,對我好大鼓勵,短短三個月有咁好嘅反應,不過壓力好大。我用咗幾十年化妝品,都算好有心得,由材料到包裝推廣,我都可以畀到專業意見。」
撰文:馮仁昭

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載