› 選擇地區
三藩市
紐約
洛杉磯
其他美國地區
香港 台灣 北美
 
2015年01月20日

兩年抱兩有心有力
陳曉東八月又做老竇

現年三十九歲的陳曉東去年七月第一次做爸爸,想不到囡囡芷霖未夠六個月大,老婆王妤嫻又宣佈懷胎兩個月,認真可喜可賀!東東昨晚跟太太一同到會展出席香港時裝周活動,同場還有徐濠縈、梁漢文、趙頌茹、林芊妤(Coffee)等。東東全程體貼地拖實老婆,記者起初不知妤嫻懷孕,問是否未完全修身?東東說:「唔係,修得唔錯,本來件衫着唔落,要臨時買過,但身材依然咁好。」

迷信同羊B夾

訪問期間妤嫻不時摸住肚皮,記者問是否有好消息宣佈?東東「咿咿哦哦」一輪,才開心自爆:「係呀,有咗第二個,本來唔想咁快講,中國人傳統怕小器,但係開心事。」記者笑他勤力造人?他說:「係呀,好搏命!今胎無特別計劃,但我好迷信,自己屬兔,同今胎羊B好夾,預產期係今年八月,處女座。」是否想生仔?他說:「冇諗,仔女都一樣。」他透露太太經常作嘔,問會否送珠寶或大屋獎勵太太?妤嫻即甜笑,東東搶答:「佢有少少驚,因為咁快又去番咁狀態(懷孕)。」其實妤嫻今年只得二十五歲,被指生完可以一次過修身,妤嫻點點頭,並用普通話說:「看得出來嗎?」稍後妤嫻會返北京湊女,東東則赴馬來西亞登台。
採訪:黃曉妍
攝影:陳慧安

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載