› 選擇地區
三藩市
紐約
洛杉磯
其他美國地區
香港 台灣 北美
 
2015年01月20日

李光洙x魯芬網上熱爆
網民改詞寸689「供樓,理x得你」

「能得利,能得利」,哼得出幾句,早前忽然有零食廣告搵「李光洙 X 魯芬」唱賀年歌《新年能得利》,近日喺網上被瘋傳,大家都諗唔到「亞洲王子」韓國綜藝節目《Running Man》主持之一嘅李光洙,居然同「高登女神」魯芬BB扯上關係,歌詞節錄如「全盒梗有能得利,個個攞A能得利,齊齊開工能得利」,由於光洙係韓國人讀起上嚟,就變成粗口諧音「x得你」,笑到大家好肚痛,最頂唔順應該係光洙招牌「機械舞」,同埋光洙與魯芬嘅愛的心型手勢。

不過,昨日終於有網民出手,將《新年能得利》改歌詞,變成《689 X MK玩具賀年歌》,連香港作詞人梁柏堅都讚呢首歌,佢留言:「迅速KO魯芬能得利廣告!」有幾正…就似暗示今年施政報告,唔多幫年輕一輩同申請唔到「綠表」嘅市民,漠視市民住屋問題。

歌曲一開首係「理x得你,理x得你;689呀,佢理x得你;你要普選,理x得你;你要「鳩嗚」,佢理x得你」,講出雨傘運動嘅事,但政府每次解釋係「依法」,歌詞又將原本「能得利,沙冷~hea唷」改為「理x得你,沙u la la」,暗示政府漠視民意。

至於,原唱係「考試能得利;工作能得利;新年考試工作都能得能得利」,呢part歌詞就變成「供樓,理x得你;生仔,理x得你;今年,加價,通脹,佢都理x得你」,似乎唱出市民心聲。

唔知大家又覺得歌詞夾唔夾呢?

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載