› 選擇地區
三藩市
紐約
洛杉磯
其他美國地區
香港 台灣 北美
 
2015年01月27日

與黃曉明訂婚?
Baby中指戴閃爆巨鑽

現年37歲嘅男友黃曉明上年喺上海同fans搞生日派對,揚言今年必娶25歲女友Angelababy,唔知黃曉明係唔係打鐵趁熱,最近向Baby求婚成功。

據知「女漢子」Baby已冇再參加內地版《Running Man》,話晒係因為拍咗呢個綜藝節目,令Baby人氣急升,現時微博粉絲人數已過5千萬人「關注」,風頭仲勁過粉絲人數只有約1500萬人「關注」嘅內地爆紅G.E.M.,Baby忽然唔再參加,唔知係因為工作實在太忙,定係男友已經求咗婚,要ready做「曉明新娘」。

據台灣媒體報道,黃曉明早前想喺跨年晚會上演求婚一幕,不過,有指當時被Baby擋住咗,搞到大家都心大心細, 事後男友有冇出擊打動伊人嘅芳心呢!有傳Baby大前晚出席活動,右手中指忽然戴上一隻閃爆巨鑽,網民即猜測係唔係曉明求婚成功,Baby低調宣佈「喜訊」呢?

旋即引起網民爭議,有人覺得訂婚係「結婚戒指才是無名指吧,訂婚是中指,按男左女右佩戴,男的訂婚就是左手中指,女的訂婚是右手中指,結婚則換成各自無名指」,亦有網民認為,「首先戒指戴在左手才有意義,右手是沒有意義的,戴戒指沒有男左女右一說;再者,訂婚戒指是戴在無名指的」。

不過前日Baby所屬經理人公司已經解釋Baby戴上嘅巨鑽係品牌贊助,睇嚟係fans太想佢哋拉埋天窗,無論點都好,今年都會有佢哋嘅「好消息」㗎喇!

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載