蘋果日報 | APPLE DAILY
› 選擇地區
三藩市
紐約
洛杉磯
其他美國地區
2015年02月01日

林保全火化 叮噹伴升天

46,298

別了,林保全!陪着大家成長、聲演叮噹(現改稱多啦A夢)逾三十年的林保全,昨早於紅磡世界殯儀館出殯,女兒芷筠難捨落淚:「我只係冇咗佢個人,佢仍然喺我心入面。」由於保全叔生前視叮噹如知己好友,林太挑選一套集齊叮噹、大雄、靜宜、技安及小福的毛公仔放在靈柩內一起火葬,願在天國的保全叔有老友相伴。

無綫資深配音員林保全,上月二日猝逝,終年六十三歲,他的家人前日在世界殯儀館以佛教儀式為他設靈,數以千計市民致哀。昨早九時許,林保全太太、女兒林芷筠及夫婿Gary,和眾親友陸續抵達殯儀館,出殯儀式原定於十一時半舉行,但提早近一小時開始,令不少前來公祭的市民只能望門輕嘆。
儀式由法師帶領下誦經,林保全的家人及丁羽一直在家屬席,之後步出靈堂中間,向保全叔的遺照上香,除丁羽外,家人都一齊跪拜。約二十分鐘後,儀式完畢,工作人員移出保全叔黑色的靈柩,扶靈的包括恩師丁羽、曾醒明、譚炳文及鄧榮銾等八人,丁羽和曾醒明並列首位,由女婿Gary捧着保全叔遺照,與芷筠一同登上靈車,出發到鑽石山火葬場;儀式進行約半小時,在微微細雨下,保全叔化作一縷輕煙。

捐遺物帛金

據悉林太希望保全叔路上有個伴,特意挑選了○六年為《多啦A夢音樂劇》推出的限量版毛公仔套裝,裏面有齊叮噹及四位好朋友大雄、靜宜、技安和小福,昨日將公仔放入靈柩內一起火化。女婿Gary昨日接受電話訪問時說:「我代表媽咪講,雖然屋企有逾百件叮噹收藏,但大部份都係一個獨立叮噹公仔,一套五隻較少。媽咪覺得另外四個卡通人物等如爸爸嘅老朋友,應該搵番呢班老朋友陪伴一齊。」
芷筠昨由曾醒明陪同下受訪,爸爸日常用品怎樣處理?她說:「唔知媽咪會點處理,啲杯好似燒唔到,可能會捐畀一啲有需要嘅小朋友,或者捐畀一啲機構,佢哋可以幫到人啦。其實我哋都將一啲帛金捐咗去啲寺廟維修,因為爸爸信佛,佢會注重奉獻。」

看遺作傷感

儀式上芷筠也難過落淚,她說:「梗有唔捨得㗎喇,但係唔係太傷感,始終,佢喺我心入面,好似佢把聲咁,佢仍然喺我個腦入面。我只係冇咗佢個人,佢仍然喺我心入面。」芷筠讚媽咪比自己堅強:「媽咪都OK,佢本身退咗休好耐,佢好多時比我更堅強,我就寧願返公司,好似有啲嘢做寄託吓。」
芷筠表示已看過爸爸的遺作《STAND BY ME:多啦A夢3D》,聽到爸爸的聲音難免傷感,她說:「但係冇辦法,佢已經好開心咁走咗喇,我哋惟有繼續學佢嘅性格、思想,延續佢嘅使命。」芷筠又表示,沒想過這麼多四十餘歲的市民來致祭,還有不少人帶同小朋友前來。她說:「幾多歲人都咁鍾意叮噹,真係冇諗過。」至於爸爸的骨灰將安放在哪兒,芷筠表示需要跟家人商量,暫未決定。
採訪:黃曉妍、嵐山
攝影:沈健程

娛聞樂陪你走遍全球追星,即Like「娛果」FB 專頁!
返回最頂
香港 台灣 私隱聲明 服務條款 刊登廣告 聯絡我們 招聘 訂閱版: 飲食男女|    Ketchup|    壹週刊
© 2018 AD Internet Limited. All rights reserved. 版權所有 不得轉載