› 選擇地區
三藩市
紐約
洛杉磯
其他美國地區
香港 台灣 北美
 
2015年02月04日

拍戲傳撞邪
徐子珊包面變樣

徐子珊、謝婷婷、劉心悠、蔡瀚億(BabyJohn)、郭偉亮,以及導演兼演員的吳家麗,前晚到銅鑼灣出席驚慄電影《有客到》煞科派對。早前有報道指徐子珊疑拍《有客到》時撞邪,更一度拍到崩潰,不知是否因為嚇親,派對上見徐子珊變了肥子珊,口腫面腫,但半截傘裙下側的大腿粗了,站在瘦削的劉心悠和謝婷婷旁邊,包面更加突出。
問子珊被指撞邪,以及拍攝一場在殯儀館的戲又拍到崩潰,她說:「冇,誇張咗,同埋大家可能冇見過我驚嚇個樣,不過我就真係好驚老鼠,如果要我再拍,要加錢,真係好驚。」

戥胡杏兒開心

三十五歲中女子珊除了跟殼王陳國強傳緋聞,真命天子仍然未見,好友胡杏兒都名花有主,她說:「隨緣啦,呢啲嘢冇得強求,但好為杏兒開心,呢啲都係好事。」
同場的婷婷被問到農曆年胞兄霆鋒會否帶王菲來港團年,婷婷說:「我可能要出國做嘢,可以嘅話想同爸爸食餐飯。」又表示暫時未有見到王菲,而阿菲都很忙,她說:「仲未定日子邊日團年,哥哥唔係成日都喺香港。」甩拖的她,今年情人節不知怎過?她說:「會同朋友一齊過,都唔會覺得寂寞。」

心悠血痕嚇人

此外,片中心悠飾演一隻斷頭鬼,跟BabyJohn搞人鬼戀,她說:「特技喺頸上化咗一條血痕,因為太過逼真,所以去廁所時嚇親途人,照鏡時都嚇親自己。」
採訪:黃曉妍
攝影:陳順禎

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載