› 選擇地區
三藩市
紐約
洛杉磯
其他美國地區
香港 台灣 北美
 
2015年02月05日

村姑大娛塘:美穗披婚紗受訪攞嚟衰

中山美穗着婚紗做封面人物,令人聯想到佢已有再婚打算。

日本影后中山美穗近年明顯行衰運,自佢同前夫辻仁成爆出離婚之後,美穗一直被指拋夫棄子,最關鍵係佢搭上貌似葉念琛嘅音樂人澀谷慶一郎,美穗多年來嘅健康形象已經破產!
雖然美穗係唔少人嘅兒時偶像,但查實佢又真係唔抵幫,事關為咗呢個姦夫,竟然放棄囝囝嘅撫養權,一次過得罪晒廣大師奶,加上早排又爆出姦夫發酒癲,喺街頭怒踢美穗,點知外界一面倒都話美穗係自作自受。

美穗可能唔知咩叫越描越黑,最近接受女性雜誌《美ST》訪問時大談做媽咪嘅變化,最離譜係着住婚紗做封面人物,即刻被網民狠批唔顧囝囝嘅感受。
反觀成為新聞人物嘅澀谷慶一郎就愈見高調,早排連針灸都要自拍,大有做諧星嘅潛質。
撰文:李村姑

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載