› 選擇地區
三藩市
紐約
洛杉磯
其他美國地區
香港 台灣 北美
 
2015年02月05日

難敵貴租 尖嘴搬荃灣
崇德音樂新校細一半頂硬上

【荃灣新校1,900呎】
張崇德最愛新校開揚景觀,令他更有靈感創作。

張崇德的音樂學校MMP去年因為業主瘋狂加租至六位數,被迫撤出留守九年的尖沙嘴,但天無絕人之路,音樂學校搬離旺區遷入荃灣,反而為張崇德燃起鬥志,已安排今年十月在伊館舉行第八個演唱會,並計劃推出全新專輯。
「嗰陣真係好唔捨得,花咗好多心血,又有好多歷史。呢次搬走都好似係個新開始,始終同一個地方都好似做到差唔多啦。」樂觀知足的張崇德如此說。來到荃灣新學校,雖然面積只得一千九百呎,比四千呎舊校細了一半,但感覺比從前寬敞、開揚得多,張崇德說:「呢個景真係好靚,以前喺尖沙嘴成日要閂晒窗簾,除咗上堂我好少返去,呢邊可以日日望海,心情都好啲,送完仔女返學都會即刻返嚟,作吓歌、寫吓書。」他表示現時學校約有一百個學生,大部份從舊學舍到現在,同時亦吸納了不少新同學,張崇德說:「反應都幾好,上星期喺冇宣傳下開新班都爆晒,嚟緊會開第二班。」

裝修費六十萬

新地方令他更有衝勁,張崇德籌備開辦小朋友合唱團:「自己都係父母,覺得以前個地方不見天日,唔係好啱小朋友,呢度就可以,主要想囝囝囡囡都fit到入去,構思係畀五至十歲嘅小朋友,會加入跳舞元素。」為了配合港島區的學生,他借用哥哥張崇基在港島區的工作室做分校,稍稍地擴大版圖。張崇德在新校投資六十萬裝修費,提升了隔音設備,讓他安心做更多製作,當然亦會為自己製作全新專輯:「碟係蝕住去做,不過同哥哥轉做幕後之後,搵到資本去出碟,就唔介意賣幾多,可以做自己鍾意嘅音樂。」
採訪:盧妹 攝影:陳慧安

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載