› 選擇地區
三藩市
紐約
洛杉磯
其他美國地區
香港 台灣 北美
 
2015年02月11日

曹查理倡骨灰撒公園
何家駒今出殯

何家駒在上月二十七日凌晨時分因器官衰竭病逝,享年六十六歲。昨日其家人為他在大角嘴九龍殯儀館設靈,靈堂以白花點綴,正中掛着往生淨土四字,靈堂前擺放了寫上何家駒胞妹和胞弟的花圈,還有藝人王書麒、許秋怡夫婦和曹查理等人致送的花圈。

爆去年糖尿嚴重

娛樂圈中人如曹查理、朱潔儀、李兆基、張建聲和王宗堯等先後去到靈堂致祭。約下午五時,曹查理到靈堂弔唁,他進場前接受訪問,表示之前向何家駒的家人建議將其骨灰撒落紀念公園,他說:「聽日佢妹妹送佢上山火化,𠵱家未知佢安葬係點,我都叫佢燒咗之後撒落紀念公園。佢冇仔女,冇人拜佢,撒落個紀念公園一了百了,一陣同佢妹傾。」
問曹查理最後一次見何家駒是何時 ?他說:「其實佢舊年已經出事,過年時隻腳腫到落唔到火車要叫白車,我叫佢休息,住院之後就話糖尿病好嚴重,佢仲返內地做嘢,隻腳黑晒,叫佢唔好做嘢又唔聽,當時個心同腎已經有少少衰竭,但又救得番。一月二十六日醫生話佢出得院,點知二十七號凌晨就瓜咗,可能係迴光返照,因為喺醫院佢情緒好唔穩定,成日喊話要返屋企,冇所謂最緊要佢走得安樂。」
曹查理離去時表示何家駒今日十一時大殮,十二時出殯,因火化爐爆滿,遺體會在下周一(十六日)送到歌連臣角火葬場火化。

袁潔儀視為大哥

袁潔儀自言視何家駒為大哥,故專程到靈堂送大哥一程,袁潔儀說:「喺內地演出成日撞到,佢好似大哥咁,好錫我,又好多網絡,有時介紹我做嘢。上次聯絡已經係舊年八月,當時佢身體OK,已經好好多,知道佢因為糖尿對腳有問題,仲叫佢戒口,唔知點講好,夠時間始終要走。」
採訪:藍文浩
攝影:陳順禎

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載