› 選擇地區
三藩市
紐約
洛杉磯
其他美國地區
香港 台灣 北美
 
2015年02月14日

18個發哥愛甚麼?
香港人的情人─周潤發

周潤發貴為國際巨星,但他堪稱被市民野生捕獲最多的名人,不用去美國比華利山,求其行過九龍城、搭港鐵及各大行山徑等都有極大機會捕獲發哥。在各大社交網站,發哥都成為「呃like」貼圖的熱賣景點,以他的受歡迎程度,足以成為香港人的情人!為了讓大家對自己的「情人」加深了解,本報在香港訪問了十八位市民,每人向發哥錄影了一條問題,再帶到成都讓發哥親自回答。雖然發哥被萬眾寵愛,但已被私有化的他在今日情人節,當然就只有發嫂陳薈蓮有權將發哥捕獲。

採訪、攝影:文國駿、葉君海(香港)、曾小嘉(成都)

相關新聞:【繼續圍捕】發哥情陷朱古力 叉燒最愛食

Q1

野生獵人:個個都想同你合照,你最想野生捕獲邊個?

發哥:最近喺西貢有隻好大嘅野豬,俾人鎖住,後尾漁農署捉咗再放番上山,我想搵番隻野豬,佢好cute!

相關新聞:發嫂:佢會送花送驚喜

Q2

體育用品達人:你鍾意行山行邊條路線?

發哥:大東山、鳳凰山、九牙嶺、萬宜水庫、馬鞍山、馬騮山?你想喺邊度撞我?我條條路都到,下次見。

Q3

手機靚姐:你係用iPhone定Samsung呀?

發哥:對唔住呀,兩個都冇用呀,我用諾基亞㗎!

Q4

為食高Ling:你撐唔撐地道小食呀?鍾意食乜呀?

發哥:我梗係撐啦,你噏得出我都喫過晒啦!

Q5

粉嫩機迷:你平時打唔打機呢?

發哥:(儍笑)對唔住,我老花、近視兼散光,我唔打機嘅。

Q6

少女食神:你鍾唔鍾意菠蘿包配奶茶?

發哥:奶茶就唔飲啦,削胃。菠蘿包一定食,個牛油要打孖上。

Q7

幼稚園女生:發哥,你係我偶像嚟㗎,你嘅偶像又係邊個呀?

發哥:我偶像咪你囉!(啜啜)

Q8

港鐵阿姐:你平時搭邊條線?成日撞唔到你。

發哥:我多數搭「黐線」。荃灣黐埋東涌線,咪「黐線」囉!

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2020 AD Internet Limited. All rights reserved. 版權所有 不得轉載