› 選擇地區
三藩市
紐約
洛杉磯
其他美國地區
香港 台灣 北美
 
2015年02月15日

結婚憶亡父
祖藍流淚:畀啲掌聲我媽媽

昨日王祖藍和李亞男大婚,於婚禮上祖藍除了感激外父外母對李亞男悉心栽培,將女兒教導得近乎完美,之後祖藍係咁喊,續道:「都多謝你哋對我嘅所有包容,我哋來自兩個好唔同文化嘅地方,多謝你包容我,你哋講上海話我唔識聽,請你哋放心,點都好,你哋教到佢咁好時,唔使擔心我會唔會傷害佢,我根本唔捨得去傷害佢。」

相關新聞:小八卦:三對戀人唱聖詩

之後祖藍仲特別提到,因病早逝的父親。祖藍續道:「呢間教堂對我嚟講好特別,我信主,由一個衰仔,慢慢去變好,喺呢度,我爸爸有事(喊),所有呢度嘅牧師弟兄姊妹陪我行過呢段路。」

「我受洗喺呢度,今(昨)日我結婚,我喺呢度。13年前佢哋見證我受洗時,我哋仲可以一家人一齊,我今(昨)日仍然相信,我爸爸係同我一齊(喊), 我知道天上面有兩位爸爸睇住我,所以阿嫲多謝你,你生咗個好好嘅仔,而佢又再生到個好好嘅仔;跟住係我媽咪,籌備婚禮時,佢都受我好多句,佢冇出過一句聲,係佢體諒我嘅忙同脾氣,我想大家畀啲掌聲我媽媽。」場面相當感人!

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載