› 選擇地區
三藩市
紐約
洛杉磯
其他美國地區
香港 台灣 北美
 
2015年02月24日

攬財神沾旺氣
城城:想畀媽咪抱孫

郭富城昨日年初五到尖沙嘴海港城出席賀歲活動,穿上金黃色棉襖的他騎着電單車駛上紅地毯,型爆現身。城城上台時見到財神,他風騷攬到實,狂沾旺氣,大會安排了小朋友扮十二生肖出現,城城忍不住逗玩小孩,父愛氾濫,他主持敲鑼開巿儀式,大會又給城城送上福袋和金元寶。

做孫悟空冇飯食

單身的城城見到可愛的小朋友,不停陪玩,還抱起一位小朋友,城城搞笑說:「咁客氣,知我冇小朋友,送個仔畀我。」城城即場大派利是,問到喜歡小孩的城城何時造人?他說:「隨緣,今年都係電影為主,工作排到好密,四月又去大馬開演唱會,我想做多啲慈善嘢。」郭媽媽有催婚嗎?城城說:「媽咪唔講呢啲,佢唔會催我,等上天安排,我都想自己將來成家立室,畀媽咪抱孫。媽咪只會叫我工作上小心啲,舊年我傷腳都未好番。」難道城城不想婚後有人照顧嗎?他說:「公司助手照顧我好好。」

城城近日在內地趕拍電影《西遊記之孫悟空三打白骨精》,農曆新年有假期即回港陪家人過年,他扮演孫悟空,因為化妝要黐毛,有時被迫超過十二小時不能吃東西,他說:「黐咗毛,嘴部張唔開,阿媽知我拍戲冇啖好食,返嚟整燕窩我食,一碗碗咁食,好似食飯咁。」城城自爆有戴口罩和帽往行年宵。
採訪:張俊銘
攝影:陳順禎

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2020 AD Internet Limited. All rights reserved. 版權所有 不得轉載