› 選擇地區
三藩市
紐約
洛杉磯
其他美國地區
香港 台灣 北美
 
2015年03月06日

DaDa寸羅子喬「唔想幫人宣傳」

曾經擔任超人之母人間體的D奶𡃁模羅子喬(Bella),日前聲稱與施念慈旗下經理人公司爆出飯局風波兼禁接job,後來她堅拒並要求解約,雙方關係決裂,施念慈事後發聲明否認,並指羅子喬言論失實及具誹謗性,保留追究權利。
前晚Bella的師妹陳靜(DaDa)出席在鑽石山舉行的電影首映,同場有艾威、魯芬和錢小豪,不過焦點當然在DaDa的身上,有備而來的DaDa,全程有兩個助手傍實,她被問到有否留意此事?DaDa寸爆地說:「今日公司都發咗聲明,自己唔方便講咁多,我係嚟宣傳電影,係開心事,唔想幫人宣傳。」她亦直言未有影響心情,亦不擔心引人遐想,以為她有份出席飯局。

「謠言止於智者」

曾經被傳因為去飯局而搞到有病,結果要休息一輪的DaDa,聽到被稱為過來人的時候,她很大反應地說:「唔係!嗰時我係病呀,係因為拍戲壓力大,始終係女仔吖,有啲心理因素影響,係兩樣嘢,係唔同嘅事,希望大家可以分番開,公司亦唔係佢(Bella)所講嘅咁,公司好值得信任。」後來,又問她有否與Bella聯絡?DaDa表示甚少聯絡,反而與施念慈有聯絡:「我同佢講謠言止於智者,佢都有同我講,話會出份聲明,一切都交畀律師處理,𠵱家係關乎法律問題,就交畀律師,自己唔方便講。」
採訪:譚倩宜

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載