蘋果日報 | APPLE DAILY
› 選擇地區
三藩市
紐約
洛杉磯
其他美國地區
2015年03月06日
馬上成為壹會員

梁洛施喊晒
講擇偶要求:我不會看甚麼背景!

張艾嘉前日率領梁洛施(Isabella)、李心潔喺北京宣傳電影《念念》,心潔喺老公偷食一事,事隔大半年首次開腔回應,咁啱Isabella同心潔都係感情上「觸礁」,難怪被內地傳媒影到佢哋因為張艾嘉講「人係要同自己「和解」之後,先可以同人家「和解」,講調整心情都需要時間嘅歷練。」Isabella同心潔當場喊晒,未知係唔係回想起自己情路上嘅點滴,Isabella都慨嘆自己呢幾年經歷咗好多嘢。

為人所知嘅係Isabella喺21歲嗰年生咗大仔李長治,隨後一年又生咗孖仔,大家以為佢有機會嫁入豪門,不過最終都係同男友分手收場。據內地報道講,對於當年被指係想靠「三子之力」,踏入李家家門,Isabella就話擇偶要求最重要係睇個人嘅心地,唔會睇嗰個人嘅背景。

之後Isabella又指所有嘢要放下,唔好太執著嘅去諗,Isabella又覺得自己做咗人哋媽咪之後,好多想法都唔同晒。

據內地媒引述指,當時有記者問「因為李澤楷的身份,以及你和他的關係,外界一直覺得你是非常瞭解自己,知道自己所要的人,你如何評價自己」,Isabella認為其實我去認識朋友唔係睇佢嘅背景,係睇「聊不聊得來」,Isabella覺得大家都係人,最重要嘅係對方嘅心地。

早前有傳Isabella帶住囝囝喺加拿大生活,獲李家數億分手費,以及可以攞贍養子女嘅信託基金,Isabella強調自己嘅小朋友過得好普通,佢亦都喜歡平靜嘅生活,因為佢哋喺外國嘅生活過得比較自由,希望小朋友喺普通環境長大,如出外食飯、去公園玩。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載