› 選擇地區
三藩市
紐約
洛杉磯
其他美國地區
香港 台灣 北美
 
2015年03月17日

馮仁昭四圍超:
吳綺莉暗認酗酒「會飲少啲」 - 馮仁昭

四十二歲單親媽咪吳綺莉日前涉嫌虐打女兒吳卓林(小龍女)被捕,噚日繼續有大批傳媒喺佢屋企外面守候。直至噚日下晝一點半左右有一名女子現身,佢帶住一大袋物品到達,逗留到下晝三點離開。對於記者提問一概冇回答。

返電台開工

下午四點左右,吳綺莉駕車離開寓所,到灣仔的DBC數碼電台開工錄音,但去到公司樓下俾職員攔住佢出示職員證,不過由於佢嘅座駕被記者包圍,所以冇絞低車窗,對於記者提問,佢只係揮手示意唔接受訪問。
噚晚有線繼續播出吳綺莉接受張學潤嘅訪問,吳綺莉覺得今次事件發生,係因為近幾年冇好周到咁照顧小龍女,又希望:「以後大家照顧大家情緒,會飲少啲酒。」

另外,吳綺莉好友堪輿學家麥玲玲前晚出席喺旺角舉行嘅盆菜宴,力挺好友話經常都有同對方傾電話,兩母女感情好好,可能小龍女正喺反叛期同埋擔心媽咪先引起事件。佢話因為吳綺莉係教徒,所以唔會教佢擺風水陣。
撰文:馮仁昭

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載