› 選擇地區
三藩市
紐約
洛杉磯
其他美國地區
香港 台灣 北美
 
2015年03月18日

舊將緬懷邱德根
鮑姐:佢好愛亞視

亞洲電視前老闆兼遠東集團創辦人邱德根,昨日在荃灣寓所突然暈倒送院後不治,享年90歲。當年邱德根掌管亞視,其慳家節儉作風最為人津津樂道,有指他限定員工去廁所只可以用兩格廁紙,農曆新年派遠東銀行禮券當利是,不過因他作風平易近人,離開亞視後,有不少老臣子不時相約敍舊,對於舊老闆離去,昨日不少藝員同事坦言感惋惜。

相關新聞:節儉成戲:盧海鵬老周影射邱德根

朱慧珊:有腦

作為元老級的亞視前一姐鮑起靜,昨日從記者口中獲悉邱德根逝世,她很愕然說:「我哋舊年見過面,今年我屋企有啲喪事要辦,所以冇去拜會啲長輩,真係好突然,不過老人家年紀都大,上次見佢行動都唔方便,但精神同胃口好好。冇辦法,老人家始終有咁嘅一日。」
鮑姐更有感而發:「不過真係可惜,我初初仲希望佢哋買番亞視,等邱生自己搞番起。」這個會否是邱生的遺願呢?鮑姐說:「喺邱生年代,亞視好輝煌,嗰種蓬勃係有史以來都未試過,我哋以前見親面,佢都講好掛住亞視,仲話亞視點解會搞成咁,佢真係好愛亞視。」
一九八五年亞洲小姐「和平小姐」的朱慧珊也說:「邱生創辦亞姐,佢對我哋都好有感情,記得我哋當選時,邱生會落嚟探班,過時過節又會請我哋食飯。佢好祥和,又有頭腦同魄力,喺佢領導下亞視有錢賺,希望佢嘅子孫學到呢份精神。幾年前我哋約埋啲亞姐食飯,今日接到佢死訊好突然,希望佢安息,一路走好。」
其他藝人,如在邱德根年代擔任替身和大配角的尹天照說:「佢係一個好聰明嘅人,好識得賺錢同儲錢。」楊玉梅大讚邱生是個很勤力的人。「六合彩之子」蔡國威則雖未與邱生合作,但大家有一面之緣感覺平易近人,並謂從前輩口中知道邱德根年代很好、很有人情味。

好識得賺錢

至於在林百欣年代當選亞姐的張文慈說:「我知道佢係一位重要人物,係亞視唯一賺錢老闆,幫亞視成為最黃金年代,好可惜,如果再有咁叻嘅人帶領亞視就好。」亞視前一哥陳啟泰則希望他一路好走。
採訪:何慧斯、嵐山、陳杰、卓寶花

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載