› 選擇地區
三藩市
紐約
洛杉磯
其他美國地區
香港 台灣 北美
 
2015年03月18日

秋生爆齊昕好傾
約Band房聽歌甩底

特首女梁齊昕昨日在facebook連環貼文,自爆遭母親推向牆、掌摑腳踢及爆粗指罵,又控訴父母不准許她叫救護車入醫院,狂呻作為一個普通市民,沒有法律權利等,隨即引來全港關注。
自言跟齊昕是朋友的黃秋生,昨日接受本報電話訪問時,被問到知否齊昕的情緒是否出現問題?有沒有跟齊昕聯絡?他說:「有同佢傾偈,噚晚(前晚)都冇事!噚晚先有聯絡,佢冇嘢喎!本來約咗出嚟聽歌,佢話去唔到台灣聽我唱歌,咁我叫佢上嚟band房聽,佢仲好開心話好,後來收到佢message話瞓過龍嚟唔到!」
問秋生會否再致電齊昕關心一吓?他表示:「唔會啦!好似好八卦,我唔係咁嘅人,最怕參與人私事!(平日跟齊昕話題是甚麼?)都係講吓party,講吓買衫!」問秋生可會將與女兒相處之道提議給特首?秋生則認為每個人都不同,不知道別人家事,不會教人如何教仔女。

相關新聞:預言劇:《導火》點中母女嗌交

劉俊輝暗示合約解決

至於,之前因為齊昕突然缺席電影《男極探射燈》,導演劉俊輝一度舉行記者會鬧爆,但又表示有合約在手,可能會告齊昕告到底,又或者大方算數。昨日致電劉俊輝問電影進度,他自爆已經正在調配角色中,似乎合約問題已經解決。不過,他接受電話訪問時卻似有難言之隱:「已經有人選,角色調動緊!搞緊!唔講得住!」本來有機會跟齊昕合作的曹查理則表示:「同佢唔熟,唔好搞呢嘢!有睇新聞,呢條真係儍女嚟架!唔評論喇!呢個好危險,係危險人物!」
吳若希昨日出席活動時回應齊昕事件表示:「我自己都試過有情緒病,有情緒病時可能有啲行為做咗係自己唔知點解,我都希望佢健健康康。」糖妹則表示:「玩到咁大,真係唔識答喎!大家唔好太在意,畀啲空間佢,我冇留意佢,唔會留意負能量嘅嘢,冇興趣睇。」
而邵音音則表示會怪責齊昕,她說:「父母唔愛錫你就唔會供給咁多教育畀你,係特首個女,有義務做番特首女兒榜樣,希望佢唔好再令父母難堪,全世界喺fb睇到,會諗香港點會咁㗎!」歐錦棠則於facebook寫道:「家和萬事興,家暴要報警。」
採訪:小米、卓寶花
攝影:馬建華、黃曉妍

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載