› 選擇地區
三藩市
紐約
洛杉磯
其他美國地區
香港 台灣 北美
 
2015年03月18日

有律師唔做堅持演戲17年
終擔正周家怡被網民激讚好戲

入行17年,周家怡終於喺港視劇《導火新聞線》做女主角,大家都讚佢索、型、演技出色,皮膚白皙短髮清新硬朗把聲亦好好聽……等等等等,說老實的,觀眾對周家怡留下第一個印象,應該已經追溯至大台套《火舞黃沙》演兔唇女。

其實周家怡擁港大法律高級文憑,更以十個A佳績畢業,可是她沒有認真想過當律師。考文憑,只為令父母安心,俾佢可以繼續喺戲行尋夢想,事關周爸爸覺得個女入行17年,係17年,都係演二打六角色,故開始為其前途擔心。但周家怡有冇乜嘢plan呢?冇。佢喺《導火新聞線》中演嘅方凝,性格冷靜機智又有衝勁,現實中的周家怡卻是儍儍戇戇的,只想可以一直演戲到永遠。

近日有周刊專訪了周家怡,她說接拍《導火》時,並唔知自己係主角,又說相信世上只有王維基,先至敢搵佢擔正。

周家怡當年喺《火舞黃沙》演出確是令人刮目相看,亦令佢鼓起勇氣,主動向大台提出想做「親生女」簽經理人約,但換來對方一句:「其實應該暫時就冇(興趣)嘅……」所以,看畢有關報道,唔少網民都好欣賞她的堅持,還說大台只會浪費演員,以及電影圈正等待她,紛紛為周家怡打氣!

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載