› 選擇地區
三藩市
紐約
洛杉磯
其他美國地區
香港 台灣 北美
 
2015年03月19日

唔敢收留 唔問家事
秋生勸齊昕:返去讀書

【齊昕星夢之好友忠告】特首梁振英次女梁齊昕前日在facebook自爆遭家暴,更控訴不准叫救護車入院,更斷言一定要離家出走。事後齊昕fb賬戶再次被刪,特首在同日的記者會上承認女兒在香港、英國都有看醫生,希望女兒能聽醫生囑咐,早日康復,事件引起全港關注齊昕最新情況。前日齊昕接受雜誌電話訪問時,被問到離家出走一事,齊昕回應說:「咁我都大個啦,唔住屋企啦!」被問到會搬去哪裏時?齊昕說:「我真係乜都唔講得!」

相關新聞:娜姐贊成分開住減壓

「當我契爺呀?」

到昨日齊昕在Instagram指自己「Officially left home(正式離開屋企)」、「imFinallyFree(我終於自由)」她又透露帶走了一樣最有價值的東西,是一本與朋友的相簿,作為齊昕的朋友,黃秋生昨日接受電話訪問,對於齊昕離家出走一事時,他說:「我點會收留佢呀,當我係佢契爺呀?有地方都唔會啦,咪即係叫人離家出走。就算真係(出走)都唔擔心,佢咁多朋友,而且都廿幾歲啦。」秋生表示這幾天沒有跟齊昕聯絡,他說:「可能佢未安頓好啦,平時佢都會send吓啲相畀我睇,去party啲相咁,話『好開心,見到邊個邊個喺度』我嘅忠告係返去(英國)繼續讀書囉,去第二度出街冇人理、冇人追(訪)你,過啲正正常常生活。」

「外人唔管得」

秋生又透露齊昕甚少講起家庭事:「就算係我都唔會同人講啦,何況冇。家家有本難念的經,我覺得外人有兩樣嘢唔管得,兩公婆嘅嘢同父母子女嘅嘢,都唔可以管。」他覺得齊昕目前已經很幸福,由當初對她的負面報道,到現在有不少香港人都關心她。據知,齊昕現已搬離禮賓府,而電影《男極探射燈》的導演劉俊輝在截稿前未有回覆。
採訪:李森、唐如

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載